Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 48
Datierung: [754-768]
In Christi nomine. Ego Ratharius et coniux mea Asperin sana mente sanoque consilio pro malis peccatis nostris, ut in futurum veniam aliquam promerire mereamur, donamus ad monasterium sancti Bonifatii, quod est constructum super fluvium Fulda, ubi ipse sanctus martyr Bonifatius sacro requiescit in corpore, id est in marcu Bodobigrinse ultra Hrenum ad Castrionis ariales cum casis, vineis, terris, pratis, silvis, campis, aquis aquarumque decursibus, totum et integrum, quidquid in supra dicta villa proprietatis habemus, ea ratione ut ab hac die habendi, tenendi, possidendi vel quicquid exinde facere voluerint a rectores monasterii sancti Bonifatii, liberam ac firmissimam in omnibus habeant potestatem. Si quis vero, quod futurum esse non credo, si ego ipse aut aliquis de heredibus meis vel proheredibus seu quislibet ulla opposita persona extranea, qui contra hanc donationem venire aut eam inrumpere voluerit, inprimitus iram dei omnipotentis et trinae maiestatis incurrat, insuper autem solventem iuxta poenam seculi ad predictum monasterium auri unciam unam argenti pondera II et quod repetit, evindicare non valeat, sed presens donatio haec omni tempore firma et inviolata permaneat, stipulatione subnixa. Actum in villa Auromuncio, quod est prope litora Hreni fluvii. Ego Winibald rogante Rathario et Asperina coniuge sua scripsi. † Signum Hratharii et coniugis eius, qui hanc traditionem scribere petierunt. † Aginoni. † Hrathadi. † Hildani.