Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 11
Datierung: 750 01 24
Ausstellungsort: Mainz
In nomine sanctae trinitatis. Ego Adalberctus et coniux mea Ermensina caso fragilitatis vel divina clementia donamus pro animas nostras remedium mereamur aliquod in futurum habere, ad illud monasterium, quod domnus Bonifatius archiepiscopus urbis Mogontiae iussit fieri vel edificare in honore sancti salvatoris in loco nuncupante iuxta fluvio, quod dicitur Vulta, in silva Bochonia, hoc est quod dono arealem I ad commanendo infra murum civitatis Mogontiae-ad confinis in duas partes via publica et in aliis duabus partibus terra dominica-, quam arialem ad supra scriptum monasterium pro anime nostrae remedium donamus et donatumque in perpetuum esse volumus. Et si aliquis de heredibus nostris vel qualibet opposita persona, qui contra hanc epistolam, quam nos sana mente sanoque consilio fieri vel scribere rogavimus, infrangere voluerit, inprimitus iram dei caelestis incurrat et insuper inferat ad ipsam ecclesiam auri uncias II, argenti libras IIII coactus exsolvat et sic, quod repetit, evindicare non valeat, stipulatione subnixa. Actum Mogontiae civitatis publice; facta karta VIIII. kl. februarias anno VIII. domni nostri Hilderichi et Pippino duce. Ego Erlefridus acsi indignus peccator presbiter rogatus ab Adalberto et coniuge sua Irminswindae scripsi. Signum Adalberti. † Irminswindae. † Rathato clerico. † Adalperdi. † Tindoni. † Gipioni. † Hartgero. † Walthario. † Theotmaro. † Adalperdo. s. Walane.