a) Hrodheri übergibt seinen Besitz zu Schwindau (?) und Pullach. b) Bischof Arbeo kauft den Besitz des Mönches Egino und seines Bruders Reginolt zu Ilmmünster und Hohenpercha. c) Ano schenkt seinen väterlichen Besitz zu Langenpreising.
Datierung: a) 765 11 05 b) 765-767 c) 767 10 01
a) In nomine summi et unigeniti filii dei Ego Hrodheri rem propriam quam genitor mens Sicco mihi in hereditatem reliquit in locis nuncupantibus Suuindaha et alium quem Póhlóh dicuntur pro remedium animae meae atque praenotati genitoris necnon et coniuge Uualtnia cum unico filio nostro nuncupante Heripald donavi atque transfundavi ad beatae et intemeratae virginis Mariae ecclesiam Frigisingas Castro moeniis sitae casas curtes mancipias rures saltoras silvas aquarumque decursos molendinas pratas pascua sublectilia vel quicquid utensiliis possidere videbar vel ex patrimonio aut lucro questus esse videbar ut post obitum meum et praenotate coniugis atque conscripti filii sub ditioni ipsius dei genetricis esse debeat cum oratoriis quos ipse construxi et cum colonibus meum post obitum cuncta in patrimonium sancte Mariae et Christi confessoris Corbiniani stabilivi Nam si filius meus divini largitoris munere ad superiorem accesserit gradum et eum ut pastore decet ecclesiastico more conservaverit suisque diebus cuncta possedeat tarnen sub manu cui haec credita sunt episcopale; sin vero suum normaliter non servaverit ordinem, suam tarnen sibimet possedeat portionem, cetera sub ditioni permaneat episcopali ipsius post obitum ipsam traditionem in perpetuum permanere firmamus Nam si ego ipse vel quis ex heredibus meis vel quilibet opposita persona contra hanc donationem ire temptaverit, cum eadem dei genetrice communicetur sententiam et horum sanctorum patrociniis quos ibidem esse videntur colenda vel nominanda atque adoranda epistola tamen traditionis nihilominus perteneat firmitatem Actum in villa quae dicitur Pohlóh in anno XVIII. regnante inlustrissimo duce Tassilone sub die consule quod est non. novemb Et haec testes et eorum nomina qui per aures tracti sunt Alpolt, Ratolt, Heimilo presbiteri. Arn. Rihpald diaconi et Hulzilo monachus. Heimperht, Uurmheri, Aeio, Heilrat, Hramperht laici testes. Et ipse Arbeo episcopus testes. Ex cuius ore ego Sundarherius cartulam hanc firmitatis conscripsi
b) Notitiam depromimus, quod ego Arbeo episcopus divini largitoris munere cum domui sanctae Mariae divina gratia me praeesse constituit, quod a quodam monacho nomine Egino propriam hereditatem ipsius et fratri sui Reginolti quam Reginolfus his in hereditatem eorum genitor reliquit conparavi per consensum domni Tassilonis et inlustrissimi ducis in locis quae appellantur Ilmina seu et Perahhah cum eadem basilica quae ibi fundata esse videtur cum ipso altare ad quem ipsi prius tradiderunt. Donavi namque ei sicut ipse postulaverat plus minus solidos ex sanctae Mariae rebus CC. Et haec sunt testes: Selprat. Hato. Chuno. Sullo. Pópó. Ipsi omnes per aures tracti, ceteri vero ex nostris sine numero.
c) Ego Ano rem propriam et patrimonium quam genitor meus in hereditatem reliquit in pago quae dicitur Prisingas ad beate et intemerate virginis Mariae ecclesiam donavi cum domibus et aedificiis cum territorio et utensiliis cum famulis atque subiectis cum pratis atque pascuis cum universo utensilio vel quicquid possidere iure videbar, ut post obitum meum episcopali domui iureditioni deserviat atque semper virginis Mariae subesse dominationi transfundavi, ut si quis contra hanc donationem ire teinptaverit, sub insolubile anathematus vinculo prostratus decedat et cum eadem Mariam communicetur sententiam et beato Christi confessore Corbiniano, epistola tamen nihilominus firma permaneat. Actum in Castro Frigisingas in anno XX. regnante domno Tassilone sub die consule quod est kal. oct. Et haec testes: Ratolt, Tarchnat, Pern, Pald, Horskeo presbiteri. Arn, Reginolt, Liutfrid, Rihpald diaconi. Chuno. Mezzi. Reginpald. Sullo. Pópo. Situli. Hramperht popularis. Ego Sundarheri iussus ex ore episcopi Heredis conscripsi.