Le comte Eudes et Hugues, archevêque de Tours, jugent un
différend entre les religieux de Marmoutier et Tiais des Roches, qui
détenait injustement les coutumes d'une viguerie cédée par son père, Corbon
des Roches, audit Marmoutier.
Datierung: 1015-1023
Ausstellungsort: 143-146
In nomine Domini nostri Jesu Christi. Definitio rationis quae facta est Turonis, ante comitem Odonem et archiepiscopum Hugonem caeterosque nobiles viros curiae ejusdem, comitis, inter abbatem Ebrardum monachosque Majoris Monasterii et quemdam vicarium, nomine Tedasium, qui injuste possidere et tenere cupiebat consuetudines vicarie quae olim, tempore Odonis senioris, ac venerabilis comitis, teste Walterio, Turonicae civitatis cive, a Corbone definitae fuerant et prenominatae, et a patre ejusdem Tedasii dimissae; de qua definitionis ratione, nos, isdem Tedasius, graviter molestans, tanta furia in homines nostrae possessionis insurrexit, ut, hoc ipsum referretur, sicut dictum est, ad aures supranominati comitis Odonis. Ex qua re dijudicavit isdem comes, ut omnes vicariae quas reclamabat sepedictus Tedasius in terra Sancti Martini irritae fierent, nisi ex IIII causis, id est rapto, incendio, banno et furto. Ea si quidem ratione, ut si colibertus in colibertum in terra Beati Martini consistens, aut ex aliis potestatibus Sancti Martini, pro aliqua causa, adveniens, neglexerit, aut qualemcunque forfacturam fecerit, nec Tedasius, nec ullus vicarius, vicariam habeat; sed omnia in potestate abbatis et monachorum jam dicti loci consistant. Si vero colibertus contra ingenuum, aut ingenuus contra colibertum, vel eciam ingenuus contra ingenuum aliquam forfacturam fecerit, non habebit inde memoratus Tedasius, nec alius, vicariam, excepto de IIII jam dictis causis, id est rapto, incendio, banno et furto. Et haec non accipiet, nisi prius clamorem fecerit, si residens homo est, ad ipsum abbatem, vel ad ministrum ejus. De familia autem Sancti Martini, si quis aliquid neglexerit, quocunque ministerio utatur, tam ingenuus quam colibertus, sive hii qui in monasterialibus servitiis, seu forinsecus occupati sunt, quoscunque monachi alunt, vestiunt, nutriuntque nullam vicariam solvant, sed totum quidquid neglexerint ubi et ubi totum in potestate sit abbatis et monachorum ejus perpetualiter. Haec vero definitio et terminatio vicariae est a ripa Ligeris usque ad terminum terrae Vindocinensis.
S. Odonis comitis. S. Hugonis archiepiscopi. S. Guanilonis archiclavis. S. Hugonis archidiaconi. S. Guasfredi vicecomitis. Item Guasfredi, filii ejus. S. Harduini, filii Corbonis. S. Tedasii. S. Gualterii. S. Eblonis. S. Alberti clerici. S. Johannis Pauperis. S. Rainaldi. S. Ulrici. S. Girardi. S. Rainaldi, filii ejus. S. Gisleberti. S. Dadonis. S. Bernardi. S. Arderardi. S. Hervei Corvesini. S. Otgerii. S. Rotberti Muti. S. Warini clerici.