Hugues de Saint-Maurice, vicomte de Châteaudun et doyen du
chapitre de l'église de Tours, donne à l'abbaye de Marmoutier les alleus
proche Chinon que ses père et mère avaient reçu de Froger, et quelques biens
à lui personnels. - La reine Berthe et le comte Eudes souscrivent.
Datierung: 996-1001
In nomine summi Salvatoris. Apud Romanos legumlatores decretum est, quod de rebus propriis unusquisque habeat licentiam venundandi et dandi cuicumque ei placuerit, et successoribus sufficeret haberi cartulam litterarum apicibus et testimonio insertam et signis nominum hujus rei testium. Proinde, ego Hugo, Sancti Mauricii decanus, favente Dei gratia, et vicecomes Castridunensis, volumus fore praecognitum industriae sanctae Dei Ecclesiae et omnibus ejusdem fidelibus, tam praesentibus quam et futuris, quod, abbas Sancti Martini, nomine Bernerius, Majoris Monasterii, et omnis grex ibi degens deprecatum nos adiit, ut, pro redemtione animarum patris et matris nostrae atque fratrum, seu nostrae animae, ut alodos quos Frogerius sponte patri et matri nostrae atque liberis eorum secundum morem hujus patriae condonavit, concederemus ad usus fratrum praedicto monasterio; nos etiam libenti animo hanc petitionem non immerito eis concessimus. Adjacent videlicet hi alodi in conspectu Chainonis oppidi, in villa quae dicitur Curciacus et in villa Lugiachus nomine sex arpennes, et rupem quae dicitur Bracheria pertinentem ad alodum de villa Baxiaco, cum vineis et pratis, terris cultis et incultis, et omnia quaecumque in his locis ille sine calumnia tenuit. De nostris vero possessionibus, huic loco tradidimus mansilem unum qui vocatur Verna, cum appendiciis suis, pratis et terris cultis et incultis, mancipiis, et haereditatem de Solengiaco, cum farinario uno, sito_super ripam Vosdi rivuli, omnesque possessiones ibidem pertinentes perpetualiter ad stipendia monachorum memorati monasterii. Habeat vero haec eadem congregatio licentiam disponendi, sicut supra dictum est, fructus harum possessionum perpetuo ritu. Nos vero , praecipimus deprecando et prohibendo mandato Domini Salvatoris, ut de nostris haeredibus vel quibusdam introductis personis nullus assurgat, qui huic testamento praesenti calumniam inferat. Si quis tamen praesumtive hoc contradicere voluerit, odium Dei et sancti Martini ac omnium sanctorum aeternaliter incurrat, petitionem vero ad nullum profectum perducat, sed haec traditio inconvulsa et stabilis nunc et in aevum permaneat, ad signationem nostrarum quidem manuum atque praesentium et absentium sit corroborata subnixa more patrum.
Robertus rex. S. Berta regina. S. Odoni, filii ejus. S. Hugoni decani. S. Adelaudi, fratrem ejus. S. Rainardi. S. Hervei. S. Sielduini. Yrrvisus episcopus. S. Archemboldi archiepiscopi. S. Radulfi. S. Waltetrii. S. Corboni. S. Ascelini. S. Constantius. S. Rotroci. S. Amarici. S. Acfredi. S. Bosoni archidiaconi. S. Aimoni. S. Rodulfi. S. Wicherii. S. Adraldi. S. Martini. S. Fredericus. S. Martinus. S. Warini.