Le comte Eudes I. restitue à l'abbaye de Marmoutier la villa
de Coutures qui lui avait été injustement enlevée. - Sa femme et ses fils
souscrivent.
Datierung: 983 05 03
Ausstellungsort: Blois
Lucrum maximum credimus animarum, si his qui Deo die noctuque deserviunt et, spretis hujus seculi curis, pro totius mundi erratibus indesinenter Dei exposcunt clementiam, aliquit ad necessarios usus clementer augemus. Itcirco ego, non meis meritis, sed Dei omnipotentis qui solem suum oriri facit super bonos et malos indicibili largiente bonitate, Odo comes, notum esse cupio cunctis mortalibus, tam presentibus quam etiam et futuris, quod quandam villam, que Culturas dicitur et ad abbathiam Sancti Martini Majoris Monasterii pertinet, sed longe retroactis temporibus separata est, meorum enormitatem reminiscens scelerum et districti examinis diem pertimescens, pro animabus patris et matris meae necnon et domni Hugonis archiepiscopi, cujus ibi corpus digno ordine jacet, et praecipue quia debitum mortis exsolvens ibi requiescere cupio, ut jam dictus Christi confessor anima mea ab infernalibus eripiat flammis et suis intercessionibus collocet in superius, cum omnibus quae ad illam pertinent, tam hominibus quam etiam terris, cernentibus cunctis meis fidelibus, monachis inibi Deo famulantibus restituo et in perpetuum reddo. Ut vero haec redditio firma et stabilis in aeternum maneat, signo salutiferae crucis, qua ab aeterna morte sumus redemti, illam manu mea roboro, et manibus uxoris meae, et filiorum, necnon etiam et meorum fidelium, roborari facio. Signum Odonis comitis, qui hanc redditionis chartam facere et firmare rogavit. S. + Berte comitisse, uxoris ejus. S. + majoris filii ejus Teutboldi. S. + minoris filii ejus Odonis adhuc in cunabulo quiescentis.
S. Godefridi comitis. S. Rainerii. S. Rotberti. S. Arduini. S. Teduini. S. Tadonis. S. Gilduini. S. Rotrochii. S. Adalardi. S: Helgaudi. S. Guarnerii. S: Adalonis. S. Utberti clerici. S Roberti clerici. S. alii Roberti clerici. S. Heirardi. S. Teutbaldi. S. Helgaudi. S. Hervici. S. Hugonis. S. Fulberti. S. Malgerii. S. Galterii. S. Guandelberti. S. Guarnoldi. S. Walterii. S. Hunboldi.
Data mense maio, aput Blesensem castrum, die qua Inventio salutiferae crucis celebratur.
Anno XXXVIIII regnante Lothario gloriosissimo rege. Hugo, indignus levita et monachus, ad vicem cancellarii scripsit. Si quis contradixerit, anathema sit a Christo et sanctis ejus.