Datierung: [907 02 04–908 02 03]
In nomine sancte et individue Trinitatis. Notum sit omnibus tam presentibus quam et futuris sancte matris ecclesie filiis, qualiter ego in Dei nomine Reginnerus, Dei patrocinio et clementia comes et quamquam indignus monasterii sancti patris Willibrordi eiusdemque congregationis abbas et rector, congrua sanaque cuiusdam ex eodem collegio fratris nomine Herfridi ammonitione pulsatus, quandam villulam vocabulo Cruftam cum suis appenditiis antiquorum largitione legitima orthodoxorum virorum ad hospitale Honorati confessoris Christi pertinentem susceptionibusque illuc confluentium nobilium seu pauperum delegatam, iniquorum suggestionibus ab antecessorum meorum prava dominatione scilicet abbatum seu comitum aliorum- que seniorum iniuste abstractam, ob mearum erectionem commis- sarum, ex diversis terrarum finibus hospitibuse venientibus utilitatem commodumque peragens, multorum sub speciebus redonavi. Pauca igitur revertendo redonantur, sed tamen nominabuntur; hoc est basilica una inibi constructa una cum ceteris dominicatarum munitionum edificiis, tam mansis quam sedilibus, vineis, molendinis, piscationibus, pratis, campis, silvis, pascuis, aquis aquarumve decursibus, exitibus et reditibus, mancipiis utriusque sexus, quatinus tam validis quam invalidis fessisque Deum omnipotentem piissimumque illius sacerdotem, videlicet sanctum Willebrordum perquirentibus, futuris temporibus alimoniam largius prebendo proficiat in augmentis. Si quis autem, quod fieri non optamus, ego, quod absit, aut aliquis successorum meorum contra hunc redonationis titulum venire aut ilium infringere conatus fuerit, Dei omnipotentis iudicium incurrat, sanctumque Willibrordum, cuius elemosinam evertere nititur, inquisitorem acquirat, et quod repetit evindicare non valeat, sed presens donationis firmitas in evum inconvulsa persistat corroboratione subnixa. Actum VIII anno regnante Luodowico glorioso rege.