Engelbaldus, Dei gratia Turonensis archiepiscopus, dilectis filiis Almarico et Teobaudo Crispini, clero et populo Castri Celsiani. Sciat ... Normannum, Nannetensem archidiaconum, Nannetensis diocesis ecclesias Castri Celsi, quas jure haereditario possidere videbatur, in manu venerabilis praedecessoris nostri bonae memoriae Hugonis archiepiscopi et fratris nostri Iterii, .... quas quidem ecclesias, in manu Ysmari Tusculani et Alberici Ostiensis episcoporum, sedis apostolicae legatorum, denuo refutavit et per eos de iisdem monachos similiter investivit; novissime vero, videntibus Nannetensi, Redonensi, Aletensi episcopis, ex praecepto domini papae, ut easdem dimitteret eum commonuimus. Quibus dimissis, monachos investivimus ... Quocirca tibi Almarico et Teobaudo Crispini rogando mandamus quatinus, in possessione istarum ecclesiarum, memoratos fratres et eorum presbiteros manuteneatis. Clero vero et populo praecipimus ut a capellanis monachorum christianitatem accipiant..... Quod si aliqui sacerdotes manu alia se intrudere praesumpserint, nos, tam eos quam qui eorum missas audierint, excommunicamus ....