De bordagio terrae, de costumis et de presbiterio datis in Nemore Bocerii.
Nosse debebitis si qui eritis posteri nostri, Majoris scilicet hujus habitatores Monasterii sancti Martini, Beringerium filium Lamberti dedisse sancto Martino et nobis, sub regimine nunc agentibus domni Bartholomei abbatis, apud Nemorem Bocerium bordagium terrae solidum et quietum, per manum Wauterii monachi et Alberti, omnesque consuetutudines ad eamdem terram pertinentes, accepto propter haec a nobis benefacto nostro. Acta sunt haec astantibus istis: Matheo filio Hainrici Jacei ..... ; et ipse Matheus accepit, propter auctoramentum, V. solidos. Johannes Raeserius III. prebendarios segalae habuit, propter auctoramentum terrae. Germaius, filius Adelardi presbiteri, donavit nobis presbiterium ecclesiae, et accepit benefactum loci istius et habuit VII. solidos de caritate. Herveus filius...... nobis forestariam vendidit XII...... Herveus de Poenci, qui tunc ejusdem castri honorem tenebat, et Wihenocus filius ejus annuerunt nobis consuetudines terrae et ecclesiae. Horum omnium testes sunt isti: Poncius, Gislemarus hostiarius, Gurio de Carbaio, Eudo corveserius, Matheus, Gunterius, Gauterius Ultra Meduanam, Gosfredus Escarbotus, Guigantus filius Escarboti, Rainaldus gendrus Escarboti, Gauterius Agnus.