Concordia inter monachos Majoris Monasterii et canonicos omnium sanctorum Andecavis, de ecclesiis castrorum Belismi et Belli Fortis, anno MCXLVo.
Praesentis monimento cyrographi, praesentium memoriae successorumque notitiae volumus commendari quomodo controversia inter monachos Majoris Monasterii et canonicos Omnium Sanctorum qui sunt Andecavis ... pacifico fine quievit. Ecclesiam S. Mariae, in castro Belismensi, canonici possidebant; quam infra parochiam suam et juri suo pertinere monachi perhibebant. In pago itidem Andecavensi, super eosdem canonicos monachi reclamabant ecclesiam de Jumellis... Monachi quingentos solidos Andecavenses canonicis praebuerunt, et praesentaliones in ecclesiis de Bello Forti, quae suae erant ... Actum anno incarnationis Christi MCXLVo, Hugone Turonensi archiepiscopo, Ulgero Andegavensi, Girardo Sagiensi episcopis praesidentibus; Guarnerio Majori Monasterio, Roberto ecclesiae Omnium Sanctorum abbatibus.