Notum fieri cupio omnibus tam presentibus quam futuris, qualiter ego Abbo, filius quondam Gerraddi, tradidi hereditatem meam ad eclesiam sancti salvatoris que est constructa in pago Riporum, in loco qui dicitur UUerithina, super fluuio Rura, hoc est duos mansos in prefato pago, in villa nuncupante In Lopanheldi super ripam prefati fluminis, tam in terris quam in silvis, seu in pratis, pascuis, aquis aquarumue decursibus, et cum omnibus adiacentiis, et mancipia his nominibus: UUiua, Sigifrid, Radgis, Rattruut, Frithuric; traditumque in perpetuum esse volo et prumtissima uoluntate confirmo; et accepi ad custores (1.: a custodibus) ipsius prefate eclesie pretium, sicut inter nos placuit adque conuenit, hoc est libras XXIIII et transtuli de mea potestate in illorum, ut post hunc diem habeant licentiam habendi, tenendi, possidendi, commutandi, vel quicquid exinde facere uoluerint, liberam et firmissimam in omnibus habeant potestatem, stipulatione subnixa.
Actum in UUerithina monasterio, ubi conscripta est sub die nono kalendas nouembris, anno XXI imperante domno Hludouuico imperatore. Haec sunt nomina testium qui hoc uiderant et audierant: Signum Abboni qui hanc traditionem fieri rogavit et propria manu firmavit. Signum Adelhardi comitis. Signum Reginbaldi comitis. Signum Oduuaccar comitis. Signum Hrotsten. Signum Alfger. Signum Hucbercti. Signum Freduuuard. Signum Meginhardi. Signum Brietgeri. Signum Gerrici. Ego Reginharius acsi indignus presbiter rogatus scripsi et subscripsi.