Ardouin, archevêque de Tours, concède a Saint-Julien diverses pièces de
terre situées dans le pagus de Tours, dans la villa appelée
Vitrarias.
Datierung: 960 02
XP. In nomine summi omnipotentis Dei. Nos quidem Arduinus sanctae sedis Turonicae archiepiscopus, necnon et Sancti Martini Majoris Monasterii aedituus, notum hymmo et percognitum esse volumus cunctis sanctae Dei ecclesiae fidelibus, presentibus scilicet ac futuris, precipuaeque successoribus nostris, ejusdem loci thesaurariis, quoniam deprecatus est nos quidam vassallus ac fidelis noster, nomine Bernardus, ut ex rebus pertinentes ex nostro ministerio, quas ipse per seriem cartarum ac manusfirme auctoritatem de nobis tenere videtur, quartulam I et farinarium I, cum pratis aripen. II, partim culta partimque inculta, ad monachos Sancti Juliani, sub institutione census annuatim reddendum, per hujus nostrae auctoritatis testamentum eis concederemus. Cujus deprecationem benigne recipientes, concessimus jam dictis Sancti Juliani monachis prescriptam quartulam cum pratis ac farinario. Est quidem sita ipsa terra in pago Turonico ex potestate Sancti Martini, in villa quam vocant Vitrarias. Eo namque tenore prelibatam terram eis concedimus ut habeant licentiam desuper aedificandi, construendi, vel quicquid boni voluerint operandi, et annuatim in missam sancti Martini auctumnalem nobis, sive successoribus nostris, qui eundem thesauro Sancti Martini Majoris Monasterii regere videntur, reddere studeant censum solidorum III, et eis amplius non requiratur. Et si de eodem censu necglegentes quicquam aut tardi extiterint, id ipsum ei emendare studeant, quod vero tenuerint non ideo amittant. Precamur interea successorum nostrorum clementia ut, sicut sua acta que gesserint stabili voluerint vigore persistere, ita haec nostrae parvitatis gesta sinant manere intacta et inviolata. Ut autem haec auctoritas pleniorem in Dei nomine obtineat firmitatem et ad successoribus nostris inviolabiliter conservetur, manu propria eam subterfirmavimus et canonicos ejusdem loci corroborare decrevimus.
XP. Dompnus Arduinus, archiepiscopus atque thesaurarius Sancti Martini Majoris Monasterii, hanc auctoritatem fieri jussit vel adfirmare rogavit.
Signum Bernardi et filii ejus Waloni, qui hanc manumfirmam fieri jusserunt et ipsi firmaverunt.
XP. Gotefridus decanus atque levita.
Constantius diaconus subscripsit.
Leutfredus presbyter subscripsit.
XP. Hodilo sacerdos subscripsit.
Samson presbyter subscripsit.
Hildohardus sacerdos subscripsit.
Ernulfus presbyter subscripsit.
Rainaldus diaconus subscripsit.
Rotbertus levita subscripsit.
Hymmarus levita.
Rainaldus diaconus subscripsit.
Rotbertus levita subscripsit.
Constantius diaconus subscripsit.
Adalelmus diaconus subscripsit.
Data est ergo hujus manusfirme auctoritas IIII kalendas m[artii]...... monasterii, anno VI regni Hlotharii regis.
Parafe initial. Teotbertus sacerdos rogitus scripsi atque subscripsi.