Wichram überträgt seinen Besitz in Hefigkofen (?), mit Ausnahme von 5 Jucharten, an Sanct Gallen.
Datierung: 813 (814) 06 18
Ausstellungsort: Kluftern
Ego vero in Dei nomen Wichram quondam recordatus innumerabilium peccatorum meorum trado ad monasterium sancti Gallonis quicquid in villa nuncupante Hebinchova a die presente visus sum habere, id est domibus, edifitiis, pratis, pascuis, silvis, aquis aquarumve decursibus, cultis et incultis vel quicquid presenti die visus sum habere, extra quinque iurnales ad prefatum monasterium volo esse concessum in ea quippe ratione, ut tempus vitae mee ipsas res ad me recipiam et annis singulis censum inde solvam, hoc est tres maltras de annona et una friskinga seiga valente. Post obitum vero meum filii mei et tota agnitio eorum sub usu fructuario cum iam dicto censo ipsas res proserviant. Et si evenerit, ut aliquis eis de tributo dominicale plus adquerat, quam ego legitime persolvebam, tunc quicquid eis a meo iure concessum fuerat ad ipsum monasterium revertantur perpetualiter ad possidendum Et si ullus de heredibus meis vel proheredibus, qui contra hanc cartam traditionis, quam ego spontanea voluntate fieri rogavi, venire temptaverit aut agere presumpserit affectum quem inchoavit non obtineat. Insuper etiam sotiante fisco multa conponat, id est auri uncias III et argenti pondera V coactus exsolvat et quod repetit evindicare non valeat, sed hec presens traditio omni tempore firma et inviolata permaneat cum stibulatione subnexa Actum in villa Hgluftirnun publice, presentibus quorum hic signacula continentur Signum Henno. sig. Rohtfrid. sig. Oudalrih. sig. Adalpret. sig. Sicawolt. sig. Elispret. sig. Asbrant. sig. Helfant. sig. Cospret. sig. Dancho. sig. Ato. sig. Cundpret. sig. Roudkant. sig. Peio. sig. Estolh. sig. Kerpold. Ego itaque Meio scripsi et subscripsi Notavi diem XV kal. april anno XIIII Caroli imperatoris, sub Ruodperto comite.