Emthrud überträgt ihren Besitz zu Wiechs, mit Ausnahme zweier Jucharte zu Ansoldowilare, an Sanct Gallen.
Datierung: 807 05 17
Ausstellungsort: Herthen
In Dei nomine et aeternae retributionae ego Emthrud. Sumsit mihi consilius ut res meas proprias, quas ego visus sum habere in villa, qui dicitur Wechsa, hoc est in pago Brisicauve, quicquid mihi de paternico in iure pervenisse tam terris, quam domibus, aedificiis, silvis, pascuis, aquas aquarumve decursibus seu quicquid dici aut nominare potui, exceptis II iurnales terris ad Ansoldowilare pro anima mea remedium trado atque transfundo ad monasterio sancti Calloni, ubi Egino venerabilis episcopus et Werdoni abbati praeesse dignuscitur; et in ea videlicet dictione, ut dum ego vivissem, ipsas res habuissem et annis singulis ad festivitate sancte Martini solvam dimedio solido de ferro valente pretio ad supradictum monasterium. Et similiter filiis meis postea solvant et habeant; et si ex eis Deus heredes dederit legitimas, ipsum censum solvat ad supradictum monasterium; si autem desinivit aut contradixerit, tunc rectores prefati monasterii easdem res habeant, teneant atque possedeant, quicquid pro oportunitate ipsius monasterii facere decreverint liberam in omnibus habeant potestatem faciendi Si quis vero, quod futurum esse non credo, si ego ipsa aut heredes meos, quod absit, et eam infrangere conaverint, nullatenus valeant perficere, quod inchoaverunt et solvant ad ipsum monasterium tantum, quantum repetit, et fisco auri libram I et argenti pondera III et haec carta firma et inconvulsa permaneat cum stibulatione subnexa Actum in villa, qui dicitur Harta, coram frequentia populi Signum † Emthrud patrono Rihberto hanc cartam fieri rogavit. sig. † Gerfridi. sig. † Witolti. sig. † Uadalberti. sig. † Winirammi. Sigimundi. sig. † Emharti. sig. † Wolfharti. Ego itaque Huzoni presbiter anno XXXVIIII Karlo rege et VII ymperiique, XVI kal. iunius rogitus scripsi