Der Presbyter Dingmund und sein Bruder Ratmund schenken ihren seit der frühern Schenkung erworbenen Besitz zu Leiblach, Gwiggen und Hohenweiler an Sanct Gallen.
Datierung: 802 05 15
Ausstellungsort: Bregenz
Dum fragilitas humani generis pertimescit ultimum vite temporis subitanea transposicione ventura, oportit ut non inveniat unumquemque inparatum, ne sine aliquo boni operis respectu migret de seculo, nisi dum in sua potestate consistit preparet sibi viam salutis, per quam ad eternam salutem valeat pervenire Ideoque ego Dingmundus presbiter et frater meus Ratmundus tradimus ad monasterium sancti Gallonis omnem conquesitum nostrum, quam conquesivimus adque conlaboravimus post priorem tradicionem nostram, sicut in ipsa carta contenet, ubicumque in hac die presente visi sumus habere, id est in ministerio Adalrihco comitis in locis his nominibus denominatis: id est Liubilunaha, quod situm est inter Bregantia castrum et inter fluvium, qui vocatur Ascaha, et in alio loco, qui dicitur Cawicca, et in tercio loco, qui vocatur Hohinwilari, vel ubicumque visi sumus habere a die presente donamus adque tradimus ad praedictum monasterium sancti Gallonis et rectoribus ipsius monasterii, id est Eginone episcopo et Werdone abbate et monachis ibidem degentibus; in ea vero ratione, sicut illi nobis sponderunt, ut nec ipsi presentes rectores nec ullus de successoribus eorum licentiam habeant nec praesumptivam audaciam aliquando, ut aliquid de istis predictis causis ad aliam partem concedere vel in beneficium facere, nisi ad ipsum locum, ubi nos spontanea voluntate firmitate fecimus. Et si aliquando contigerit, ut quislibet ullus de rectoribus ipsius monasterii istam conventionem inrumpere voluerit vel fecerit, tunc ad legitimos heredes nostros ipsas res revertant et in eorum potestate consistant; sin vero, ad ipsum monasterium perpetualiter perseverent Si quis vero, quod fieri non credimus, si nos ipsi aut ullus de successoribus nostris vel quislibet ulla opposita persona, qui contra hanc tradicionem venire temptaverit aut agere presumpserit nec evindicare prevaleat, sed haec presens tradicio omni tempore firma et stabilis permaneat cum stibulacione subnixa Actum in Pregancia castro puplici, presentibus quorum hic signacula contenuntur Signum Dincmundo et Ratmundo, qui anc tradicionem fieri rogaverunt. † Bennato teste. †Wolfharto test. † Wanzo test. † Otperto test. † Sunino test. † Tagarato test. † Roadlanto test. † Engilpoldo test. † Elilant test. † Roadheri test. † Waltheri test. † Ratini test. † Willipold test. † Hatto test. † Wolvoroh test. † Egipertus test. Ego itaque Radmundus presbiter rogitus anno XXXIII regnante domno nostro Carlo rege Franchorum et Langubardorum et imperatore Romanorum scripsi et subscripsi Notavi die dominico, id. mad