Trudbert schenkt seinen Besitz zu Weigheim und Trossingen an Sanct Gallen.
Datierung: 797 07 30
Ausstellungsort: Thuningen
Si aliquid de rebus nostris locis sanctorum vel substancia pauperum conferimus, hoc nobis procul dubio in aeterna beatitudine retribuere confidimus Ergo ego in Dei nomen Trudbertus in amore domini nostri iesu Christi et remissione peccatorum meorum, ut veniam delictis meis consequi merear in futurum dono donatumque in perpetuum esse volo ad monasterio, qui est constructus in honore sancte Mariaae et sancti Gallonis vel ceterorum sanctorum in pago Turgauensi sibi Arbonensi, ubi vir venerabilis Werdo abbas esse videtur, id est porcionem meam in willas nuncupantes in Wigahaym et in Trosinga, quicquid in ipsas fines vel marcas a die presente visus sum habere de qualibet adtractu et me possedere videor, tam terris, domibus, eteficiis, mancipiis, peculiis, paumariis, campis, pratis, silvis, pascuis, aquis aquarumque decursibus, ex omnibus et in omnibus, totum et ad integrum ad ipsum monasterium volo esse concessum Si quis vir, ego aut heredis mei aut quislibet oposita persona, qui contra hanc tradicionem istam venire temptaverit aut eam infrangere voluerit tunc sit culbabilis ad ipsum monasterium duplum repeticionem, quantum in tradicione ista contenet et e fisco auri uncias III et argento pondere quinque coactus exsolvat et quod repetit vindicare non valeat, sed tradicio ista firma permaneat stipulacione subnexa Actum in Dainingas publici. Signum † Thrutberti, qui fieri rogavit coram testibus, quorum hic signacula continentur. sig. † Otfridi. sig. † Ruatfridi. sig. † Hugiberti. sig. † Waltharii. sig. † Pilifridi. sig. † Witberti. sig. † Hartberti. sig. † Ruatmanni. sig † Lantharii testibus. Ego in Dei nomen Pertilo indignus presbiter rogitus scribsi et subscribsi Notavi die III kal. augustus anno XXIX regnante domno Karlo rege Francorum et Langobartorum ac patricio Romanorum.