Lantbert schenkt für lebenslänglichen Unterhalt seine Besitzungen in Illnau, Effretikon, Mesikon, Brünggen, Madetswil, Wisslang, Tagelschwangen, Hinwil, Dürnten, Uznach, Bäretswil, Lüzelsee und Lüzelau an Sanct Gallen.
Datierung: 745 09 10
Ausstellungsort: Illnau
Sacrosancta ecclesia sancti Galli confessoris et aliorum plurimorum martyrum et confessorum, qui est constructa in sito Durgaunense et in pago Arbonense castro, ubi nunc preest Autmarus abbas, qui secundum relegionem Deo deservire videntur et sub nurmam regularem confirmatam Ego itaque in Dei nomine Lantbertus filius Landoaldi condam et Beatani coniugalis ipsius, talis mihi decrevit voluntas vel devotio pro Dei intuitum et animae meae remedium vel pro eterna retributione et adhuc propter meam substantiam, quod ad ipsam ecclesiam mihi vivente habere cupio ubi mihi plenius commendo et pro animam genitoris mei Landoaldi vel matris mee Beatani omnia quidquid mihi supernominatus genitor meus Landoaldus vel mater mea Beatta de eorum paternico vel maternico seu conquisto aut conparato mihi dereliquerunt, vel quidquid ego ipse postea adquesivi, omnia et ex integro a die presente de meo iure in dominationem ecclesie sancti Galli vel Autmaro eius rectore et eius monachis, qui ibidem Deo deservire videntur, trado adque transfundo pro anime meae salutem et patris et matris mei remedium, et sicut superius diximus dum vivo pro meam substantiam, quod mihi necessitas est hoc est in loca dinominata in villa, qui dicitur Illinauviae et in alio loco, qui dicitur Erbphratinchova, et in tertio loco, qui vocatur Magisinchova, et in quarto loco, qui cognominatur Brumicca, et in quinto loco, qui dicitur Madalolteswilari, et in loca, qui dicitur Hwisinwan et Tekilinwanc et in loco Hunichinwilari et in alio loco Tunriuddae et in villa, que dicitur Uzzinaha, et in alio loco Berolfeswilari et in loco Lucikinse et Lucicunauvia, haec loca supernominata con servis et ancillis peculiaribus, cum domibus, aedificiis et mancipiis domesticis, cum curtis clausis, cum ortiferis, pumiferis vel officinis, qui ibidem esse videntur, campis, pratis, silvis, aquis aquarumque decursibus, mobilibus adque inmobilibus, cultis et incultis, viis discendentis adque regredientis, cum omnia adiacentia vel adpenditia, quod ad ipsa loca supernominata aspiciunt, sicut superius diximus, omnia et ex integro in dominationem ecclesiae sancti Galli vel Autmaro abbati trado adque transfundo cum stibulatione subnixa, habeant, teneant adque possedeant, in omnibus liberam ac firmissimam habeant potestatem faciendi. Si quis vero, quod fieri non credo, si ego ipse aut ullus heredum vel postheredum meorum aut quislibet ulla oposita persona, qui contra hanc donationem vel traditionem meam temptare presumpserit aut ullam calumniam generare voluerit partibus fische multa conponat, id est auri libras V et argenti pondura X coactus exsolvat et ad ipsa ecclesiam duplam repetitionem restituat et quod reppetit pernullisque ingeniis evindicare non valeat; sed hec presens carta firma et stabilis et incontaminata debeat perdurare Actum in villa, qui dicitur Illinauviae, publici presentibus, quorum hic signaculo contenuntur Signum Lantberto, qui hanc traditionem fieri adque firmare rogavit. † sig. Harigaer eius patrimonio consentiente. † sig. Amalrich consentiente. † sig. Albrich testis. † sig. Hugiberacht test. sig. Williberath. † sig. Ratberath test. † sig. Werinberath test. Ego itaque Silvester lector rogitus et peditus ab Lantberto scripsi et subscripsi Data sub die IIII id. septemb anno III Carlomanno maiorem domo sub Chanchurone comite.