Acte rapportant que le sous-avoué Thibaud, grâce à l’intervention du comte Henri, avoué de l’abbaye, parvint à obtenir des religieux de Stavelot la dîme de Marche, à la condition de payer quatre livres tous les ans à la Saint-André.
Datierung: 1102
Ausstellungsort: Stavelot
In nomine Domini. Notum sit omnibus fidelibus quod Thiebaldus advocatus cum comite Heinrico Stabulaus veniens, summo labore annitente eodem comite Heinrico cum aliis qui aderant nobilibus vel ecclesie hominibus, vix obtinuit ut sibi concederetur a fratribus decima ecclesie que [est] in Marcha, ea scilicet ratione ut fratres singulis annis decimatores constituant et ea que in domo ipsorum juris est reposita, clavem recipiant et eam penes se habeant, donec idem Tiebaldus tercia die post festivitatem sancti Andree IIII libras persolvat: quod si ea die, ut dictum est, non persolverit, fratres exinde ipsam decimam quietam sine alicujus contradictione possideant et in usus suos prout eis visum fuerit convertant. Acta sunt hec anno dominice incarnationis M° C° II°, presente domno Folmaro abbate et totorum fratrum congregatione, sub testimonio ejusdem comitis et advocati Heinrici, Johannis de Braz et Bosonis fratris ejus, et Gisleberti de Giverules, Adelardi de . . . . , Stephani, Roberti, Reineri, Wazonis et aliorum multorum sive nobilium sive ecclesie hominum.