Acte rapportant comment Poppon, jadis abbé de Stavelot-Malmedy, obtint de l’abbaye de Saint-Maximin de Trêves, en échange d’Asselborn, les villages de Corswarem et de Winningen, ainsi que des biens à Remagen.
Datierung: [Vers 1089]
In nomine sancte et individue Trinitatis. | Ordinationes aecclesiarum Die° bonum est nosse Christi | fideles, ut si quid Deo servientibus aliquis velit | demere, sit qui possit contradicere. Ob | hoc litterarum memoriis traditur quicquid | a bonis dispensatoribus de rebus aecclesiasticis | geritur, si eas augent vel minuunt dono, presta |ria sive concambio. Hujus rei gratia notum sit | omnibus quale concambium factum sit de Astennebrunno villa sancti Petri quae fuerat pertinens ad | altare Malmundarii. Igitur regnante domno | imperatore Cuonrado villa quedam | Hanuuuilro vocata erat de abbatia sancti | Maximini, et quoniam bonum erat ipsius imperatoris, placuit sibi eandem Hanuuuilro de loco | accipere et Magontiae sancto Martino dare. | Erat eo tempore comes quidam Gisilbertus in partibus Hasbanniae , qui ob injuriam sui | malefacti ipsius imperatoris amiserat gratiam. | Ob hanc readquirendam, bonum sibi visum est | supradicto domno imperatori de allodio suo | dare viginti mansus apud Coruuarommo | cum omnibus eorum appenditiis, terris cultis et | incultis, silvis, aquis, omnibusque ipsius al | lodii usuariis. Placuit itaque ipsi imperatori, ob salutem animae suae, hoc bonum | sibi a predicto comite datum sancto | Maximo restaurare, provilla quam supra diximus | eum de loco accepisse. Igitur abbate Johanne abbatiam sancti Maximini regente, quoniam hoc bonum | longe a loco aberat, bonum sibi visum est alias commutare, petiitque domnum Popponem tunc temporis | monasteriorum Stabulaus et Malmundarii abbatem, | ut hoc bonum quoniam abbatiae suae vicinum erat sibi acciperet et villam Astenebrunno vocatam loco suo | proximam sibi pro hoc bono traderet. Placuit hoc | supradicto abbati Popponi et convenit utrisque commutationem facere predicti boni. Igitur convenientibus | ipsis in unum, simul etiam advocatis ipsorum locorum |, comite Heinrico de bono sancti Maximini, Friderico | fratrae ejus de abbatia sancti Remagli, tradita est | predicta Astenebrunno ab advocato Friderico, precepto domni imperatoris atque consensu | abbatis Popponis, comiti Heinrico in servitium | sancti Maximini cum omnibus appenditiis suis |, terris cultis et incultis, silvis, aquis, aquarumve | decursibus, cunctisque inde procedentibus debitis, | quesitis vel inquirendis. Itemque traditum est | comiti Frederico ab advocato Heinrico in servitium sancti Petri ad altare Malmundarii | quicquid datum fuerat a supradicto imperatore | sancto Maximino apud Coruuorommo cum | omnibus appenditiis suis, terris, silvis, aquis, omnibus|que debitis usuariis. Visumque communibus utriusque | partis fidelibus est inequalem hanc esse | commutationem propredicto bono dato ab abbate Poppone; unde sibi auctum est ab abbate | Johanne quod habebat Wendenges de | bono sancti Maximini et apud Riumago dimidium mansum et quinque partes vineae, super | Mosam quoque mansum et dimidium cum omnibus | horum appenditiis, familiam quoque ultra Mosam | quae erat sancti Maximini. Facta est itaque haec | commutatio jussu predicti imperatoris et confirmata legali advocatorum banno et recta | traditione et habita ab utrisque supradictis | abbatibus per annum et diem digna census ac | servitii solutione, regnante imperatore | Cuonrado, ducatum Lothariensis regni duce | Gozilone tenente, advocatis locorum predictis comitibus Heinrico sivae Friderico, archiepiscopatum Trevirensem gubernante Poppone, | Piligrino Coloniensem, Theoderico Metensem, | Rainardo Leodiensem. Testes fuerunt : comes | Gisilbertus de Salmo, Bouo de Lotauso, | Stephanus de Malampreit, Hermannus de Gruosles , Gunzelinus, Arnulfus.