Eminon, prévôt et sacristain, fait connaître les revenus qui sont affectés à la célébration de l'anniversaire de la consécration de la tour nouvellement construite dans l’église de Stavelot.
Datierung: 1087
In nomine sancte et individue Trinitatis. Ego frater Emino Stabulensis ecclesie prepositus et custos, concessu et ope domni nostri abbatis Rodulfi turri in ecclesia nostra Stabulaus multo labore nostro edificata et a domno Heinrico venerabili Leodiensi episcopo consecrata, allodium quod erat ad Rolouz juxta curtem nostram Horion II solid. solvens in dotem altaris destinatum ad anniversariam diem consecrationis ejusdem turris constitui et ad Florzeias terram cum silva XII den. persolventem. Concessit etiam domnus abbas peticione nostra ad refectionem fratrum ejusdem diei piscem trium sol. colon, qui exeunt in festo sancti Johannis Baptiste de Wakendor quem dabit villicus ejusdem ville. Coloni insuper nostri de Remaia, qui in vigilia beati patroni nostri Remacli uvas et mustum et persica deferunt, ad refectionem cene fratrum ejusdem noctis LX cucurbitas ad diem supra dictam persolvent et villicus eorum libram piperis. Non omisimus autem c ova ad pulmentum fratrum ejusdem diei condiendum, que de Blizirhes in festo beati Remacli solvuntur. Hujus autem donationis vel constitutionis sive dotis a violatores vel alienatores domnus episcopus in ipsa consecratione [altaris] sancti Michaelis archangeli quod est in medio ejusdem turris, presente domno abbate et fratribus et innumera multitudine hominum utriusque sexus, perpetuo dampnavit anathemate, nisi satisfecerint et resipuerint. Diem vero consecrationis II non. septemb. singulis annis in parrochia nostra auctoritate Dei et sua sollempnem esse instituit. Anno dominice incarnationis M LXXX° VII°, indictione X.