Un nommé Arnoul, sur le point de partir avec le comte Henri pour l’expédition organisée contre les Hongrois par l’empereur Conrad II, donne au monastère de Stavelot, de concert avec sa femme, un manse situé à Houmart.
Datierung: 1030 [avant la mi-juillet]
Ausstellungsort: Stavelot
In nomine sancte et individue Trinitatis, Patris et Filii et Spiritus sancti.
Ego Arnulfus cum conjuge mea pro remedio animarum nostrarum trado ad altare sancti Petri sanctique Remacli in monasterio Stabulaus ad Holmarch mansum unum fiscalem, quatinus ejus qui in ipsa requiescit ecclesia et omnium quorum reliquie inibi sacro venerantur honore, veniam peccatorum possimus a Domino in futuro examinis die percipere et de imminenti periculo liberare. Et enim jussu Cuonradi imperatoris exercitus contra Ungros dirigitur, cum quo ego etiam cum domino meo Heinrico comite proficiscor; quapropter metuens terminum vite, immo magis me ceno criminum nimium involutum esse, id agere delibero et coram testibus idoneis perficere statuo : Adelardo et Albrico filio meo, Arnulfo, Gerulfo, Gozelino, Wolberto, Azelino, Ysenbanno, Popino, Albrico. Qui autem ipsam terram possiderint in festivitatem supra memorati patris X persolvant denarios, et qui in presenti hoc fruuntur Gunscelinus scilicet cum conjuge sua Hezela et filii eorum eadem faciant : quod si non fecerint, bono priventur. Actum in monasterio prefato anno ab incarnatione Domini Mo. XXXo, indictione XIII, domno Cuonrado imperatore regnum regente anno VII, Rainaro episcopo Leodiensi, Poppone abbatiam tenente anno XI.
Signum Warneri. S. Godelini. S. Johannis. S. Norberti. S. Cunonis.