Le roi Louis l’Enfant confirme l’échange que le comte Regnier a fait avec ses moines de Stavelot, des terres de Soraisdas, Pandarias et Porcheresse contre celles de Filot, Xhoris et Awans.
Datierung: 902 09 10
Ausstellungsort: Metz
In nomine sancte et individue Trinitatis, Lodouuicus divina favente clementia rex. Noverit omnium fidelium nostrorum tam presentium quam et futurorum industria, qualiter Reginarius comes et sui monachi ex monasterio sancti Remacli pro oportunitate adinvicem inter se villlas commutaverunt et in locis his nominibus nuncupatis Soraisdas et Pandarias nec non et Porcaritias atque exceptis hiis omnibus qui nunc in circuitu monasterii nostri nobis noscuntur et in aliis villis nostris dominicis residere atque habitare ibi videntur. E contra vero in recompensatione istarum reddidit prefatus comes quasdam villas eisdem predictis Stabulensis ecclesie monachis, id est Filionio et Scurcitias ac Auuans; eo scilicet rationis tenore, ut quicquid juste et legaliter pars alteri contulit parti, jure legitimeque usurpet, hoc est cum quesitis et inquirendis cunctisque rebus illuc juste pertinentibus. Et super hoc nostre celsitudinis confirmationem expetierunt; quorum peticionibus libenter obtemperantes, pro remedio anime nostre decrevimus ut nulla contraria potestas hoc confringere nullatenus presumat. Et ut hoc verius credatur atque diligentius observetur, hanc nostre auctoritatis paginam transcribi jussimus ac manu nostra subtus eam firmavimus et sigillo nostro insigniri jussimus.
Signum domni Ludo (L. M.) wici serenissimi regis.
Suuitgarius cancellarius adinvicem Ratpoti archicancellarii recognovit.
Data IIII idus septembris, anno ab incarnatione Domini D. CCCC. II, indictione v, anno domni Ludouuici III. Actum in civitate Metensi, in Dei nomine feliciter. Amen.