Le roi Lothaire II déclare qu’ayant été contraint, vu l‘exiguïté de son royaume, de distribuer en bénéfices à ses fidèles une partie des biens du monastère de Stavelot, il confirme aux religieux de cette abbaye les domaines et les revenus qu’il laisse pour leur entretien et leur concède la chapelle de Crôv avec ses dîmes.
Datierung: 862 04 13
Ausstellungsort: Novo Castro
IN NOMINE OMNIPOTENTIS DIE ET SALVATORIS NOSTRI IESU CHRISTI HLOTHARIUS DIVINA PRAEVENIENTE CLEMENTIA REX | DlGNUM EST UT REGALIS SUBLIMITAS SACERDOTUM AC SERVORUM DEI UTILITATIBUS TANTO BENIGNIUS AC LIBENTIUS FAVEAT, QUANTO EOS IN DIVINIS REBUS STUDERE ET MORIBUS | concordari perspexerit. Idcirco omnium fidelium sanctae Dei ecclesiae ac nostrorum praesentium videlicet et futurorum noverit industria, quia cum nos beneficia regni nostri inter fideles nostros dignum distribuere judicavissemus, contigit ut necessitate conpulsi, propter parvitatem ipsius regni, quandam | partem rerum ex monasterio Stabulaus quod est in honore beati Petri apostolorum principis dicatum, quo etiam sacrum corpus Remacli gloriosi confessoris Christi ejusdemque loci pii patroni quiescit, beneficiario munere quibusdam fidelibus nostris concederemus, quandam vero partem ad usus et supplementum inibi | Deo militantium relinqueremus, nostrarum que serie litterarum confirmaremus. Sed ut ipsa concessio et justa sanccio perennem obtinere valeat firmitatem, hoc nostrae mansuetudinis edictum fieri censuimus. Per quod statuentes decernimus modisque omnibus sancimus, ut famuli Dei qui in praedicto coenobio amodo et deinceps divinis | famulati fuerint cultibus, res inferius adnotatas nostris successorumque nostrorum temporibus in eorum usus perpetuo jure teneant atque possideant, secundum normam suae institutionis ordinent, disponant, et libero auxiliante Christo sine cujuslibet potestatis contradictione vel demptione fruantur arbitrio. Id est: in comitatu Arduennensi | villam quae vocatur Ledernaus, in pago Condruscio villam Ueruigium cum suis appendiciis, id est Bainam et Uualthinam; in ipso pago villam Slenion et villam Siluestram Cortem, in comitatu Laumensi villam quae dicitur Calco; in pago Hasbannio villam Hurionem, item in pago Condruscio villam Hosoniam et locum qui apellatur Uilla, | in Falminne pago villam Humnin, rursum in comitatu Arduennensi villam Graisdam cum pertinentiis suis; item in Falminne locum qui dicitur Lomna, et in Strata mansum unum, et in Bractis mansum dimidium, simulque inter ingenuiles et serviles mansos ducentos quadraginta quinque, sedilia insuper in portu Hoio et Deonanto, | unde exeunt solidi triginta duo. Nihilominus etiam confirmamus praefatis monachis villas has quae in praestariis habentur per loca diversa, villam videlicet Carbool, villam Bragbanto, seu et in aliis locis mansos viginti unum. Statuentes praeterea roboramus ut villa vocabulo Uuatlinio quam Uuigfridus ministerialis | noster jure beneficiario obtinet, ilico ut ei a nostra munificentia in quolibet loco fuerit reconpensata vel ipse prius rebus si excesserit humanis, ad dominium eorum sub integro revertatur. Eodemque modo jubendo sancimus et regali auctoritate indicimus, ut quicumque ex possessionibus sepedicti monasterii beneficia habent, absque neglegentia | et tarditate de cimas fructuum ex mansis dominicatis ad hospitale ejusdem coenobii dare contendant. Conferimus insuper eis ob exiguitatem vini cappellam quae est in fisco nostro Crouio sita cum deciinis omnibusque ad se pertinentibus. Haec omnia pro amore divino pio favore prosequimur, quatinus nostri genitoris ac genetricis nostrae memoriam in eorum | sacris orationibus jugiter habeant dignasque preces effundant. Et ut haec nostrae praeceptionis auctoritas inviolabilem obtineat firmitatem, manu propria subter eam firmavimus et anuli nostri impressione assignari jussimus.
SIGNUM (L. M.) HLOTHARII GLORIOSI REGIS.
(C.) HRODMUNDUS NOTARIUS AD VICEM ERCAMBOLDI RECOGNOVI et (S. R. subscripsi. N. T.: Rodmundus notarius advicem Ercanbaldi recognovi et subscripsi, ipse magister fieri [jussit]). (L. S.)
Data id. april. anno Christo propitio regni domni Hlotharii gloriosi regis VII, indictione XI. Actum Nouo Castro in pago Leochensi, in Dei nomine feliciter. Amen. (N. T.: Amen ).