Willefrid et son parent Léodin donnent au monastère de Stavelot l'église de Cond dont ils avaient hérité.
Datierung: 857 03 05
Ausstellungsort: Cond
Grata satis est Deo oblatio de quarumcumque rerum aut quantitate aut qualitate qui de proprio jure in commune Deo militantium transfuderit io communionem. Ista prelibasse suffitiant. Jam nunc ad bonorum hominum datum enarrationem articulum describendi vertamus. Igitur ego Wilsefridus et consobrinus meus Leodinus, propter intuitum divinum et animarum nostrarum liberationem, donamus basilicam nostram que [est] in villa Condeduno, que nobis evenit ex parte genitorum nostrorum, ad monasterium Stabulaus, quod est constructum in honore sancti Petri et sancti Pauli, in quo opifex ipsius monasterii virtutibus prodentibus sanctus Remaclus resurrecturus in gloria tumulo requiescit; ea scilicet ratione, ut ex eodem monasterio sacerdos talis ad prefatam basilicam deputetur qui aptus sit officio sacerdotali fungi, ubi eis conventicula prefate ville adunatur missam acceptura, sacrum baptismum precepturum et omnia spiritualia dogmata ab eodem sacerdote sine dilatione communicatura. Et ut noverint qui post nos futuri sunt ita nos fecisse, stipulationem venerabilium virorum coram astantibus litteris scedule nostre nomina indidere previdimus. Ego Willefridus et Leodinus pariter traditores qui hanc traditionem fieri rogavimus et manibus propriis firmavimus. Signum Ramiberli. S. Adelardi. S. Herimanni. S. Wigbaldi S. Randulfi. S. Motheri. S. Ernulfi. S. Wanberti. S. Adelardi. S. Leobini. Facta traditio ista in villa Condendon, die v martii, anno II domni Lotharii regis gloriosi.