Formulae - Litterae - Chartae: Leseumgebung

Salzburger Urkundenbuch (Ed. Hauthaler); Codex Hartuuici, Nummer 14

Datierung: 991 - 1023

Notum sit omnibus Christi fidelibus, qualiter quidam nobilis clericus Iuuauensis ecclesiae primicerius nomine Hartuuicus quandam conplatitionem cum Hartuuico archiepiscopo fecit Tradidit namque idem nobilis clericus in manus Hartuuici archiepiscopi et advocati sui Ǒdalscalchi talem proprietatem, qualem tunc visus est habere in loco, qui dicitur Chasira, ad sanctum Petrum sanctumque Ruotpertum perpetualiter consistendam Econtra vero Hartuuicus archiepiscopus fidelibus suis clericis scilicet ac laicis consentientibus et consulentibus tradidit eidem nobili clerico cum manu advocati sui Ǒdalscalchi talem proprietatem, qualem ecclesia in loco Pezilinesperch habuit, quem tunc Iuuauensis ecclesiae canonici in beneficium tenuerunt ea scilicet ratione, ut predictus nobilis clericus et a se traditum locum et sibi retraditum possideret et potestative usque ad obitum vitae suae teneret, in qua traditione illud etiam ex utraque parte tradentium simul conclusum est et diffinitum, ut Starchandus quidam ex familia clericus post obitum eiusdem Hartuuici, vel si ante episcopus ordinaretur, iam dictae possessioni succederet et utraque loca usque ad obitum vitae suae firmiter potenterque possideret, post ipsius autem exitum ut utriusque loci possessio in predictorum canonicorum vestituram rediret et eorum annonariae utilitati deserviret Huius rei testes sunt Ozi, Hartwih, Rihheri, Piligrim, Etihc, Rihheri.