Formulae - Litterae - Chartae: Leseumgebung

Salzburger Urkundenbuch (Ed. Hauthaler); Breves Notitiae, Nummer 23

Item alia.

Arn episcopus concambiavit cum Rihhone deditque ei ad Moringen, quod tradidit proximus eius Graman et accepit ab eo iuxta Raittenhaslach in loco qui dicitur ad Horize. Williher comes ad Hadoluespach dedit omnem proprietatem suam ad Salburch. Concambium factum est cum Adilberto comite deditque idem comes Arnoni episcopo ad Zilarn, quod ad Heribertum virum nobilem conquisivit et accepit ab eo ad Haselach ecclesiam et mansum I cum aliis rebus suis. Concambium fecit Theodon presbiter cum Vtone nobili viro deditque eidem Vtoni ad Zilarn, quod inconveniens erat, ad ipsam ibi ecclesiam aptiora. Concambium fecit Arn episcopus cum Adalone viro nobili tulitque ab eo ad Hadoluespach, quod suum ibi erat proprium et dedit illi equalia in loco dicto Půch.