Formulae - Litterae - Chartae: Leseumgebung

Salzburger Urkundenbuch (Ed. Hauthaler); Codex Odalberti, Nummer 23

Datierung: 927 (05 23 c.)
Ausstellungsort: Maria Saal in Kärnten

ITEM CONPLACITATIO INTER ODALBERTUM ARCHIEPISCOPUM ET REGINBERTUM.

Omnium igitur ortodoxorum, industriae notum sit quoniam quidam nobilis vir n(omine) Reginperht cum domino suo Ôdalberto archiepiscopo quandam conplacitationem facere obsecravit. Tradidit etiam idem Reginperht manus Ôdalberti archiepsocopi et advocati sui Reginhardi talem proprietatem, qualem habuit in Rotahgouue ad Sunninpach et alia loca duo Pîgarto et Rihkozesreot dicta ad hunc pertinentia cum mancipiis XX et pastu pecudum caeterisque omnibus eisdem locis iuste adiacentibus ad sanctum Petrum sanctumque Rodbertum post obitum suum uxorisque suae Perhthildae perenniter in proprietatem consistendum Econtra vero Ôdalbertus archiepiscopus unâ cum Reginhardo advocato suo de rebus sibi commissae dei aecclesiae consultui omnium fidelium suorum clericorum scilicet et laicorum obaudiens tradidit eidem Reginberto et Perhthildae uxori suae in proprietatem, quicquid ipse Reginperht tunc habuit in beneficium, tam mancipiis quam territoriis ita, ut usque in finem utriusque hoc per totum habeant in proprietatem, postea autem ad praedictos sanctos dei et Iuuauensem sedem per aevum possidendum in proprietatem loca iam dicta beneque habitata atque culta.

Isti sunt testes n(ominati): Perhtolt dux, Ruodperht comes, Reginker comes, Diotmar comes, Sigipold comes, Vuillihelm comes, Vueriant, Turdogouuo, Starhant, Marhuuart, Sarhilo, Arnis, Ascuuin, Diotram, Hoholt, Papo, Kerhoh, Otachar, Zuentipolch, Auo, Eparhart, Amolperht.

Anno incarnationis domini DCCCC XXVII, actum ad Karantanam