Formulae - Litterae - Chartae: Leseumgebung

Salzburger Urkundenbuch (Ed. Hauthaler); Codex Odalberti, Nummer 11

Datierung: 931 06 27
Ausstellungsort: St. Georgen (a. Salzach)

ITEM COMPLACITATIO INTER ÔDALBERTO ET REGINOLDO DIACONO.

Cognoscant omnes Christi fideles quoniam Ôdalbertus venerabilis archiepiscopus quondam complacitationem cum Reginoldo diacono decrevit faciendum. Tradidit namque praedictus Reginolt cum manu advocati sui Engilberti talem proprietatem, sicuti ad Hitilinperch visus est habere ad sanctum Petrum sanctumque Rodbertum ad sedem Iunauensem causa complacitationis subnotatae et tria mancipia n(ominata) Liuuona Dingolt Uuolfolt post finem vitae suae et Ellanpurgae monialis in proprietatem Econtra Ôdalbertus archiepiscopus cum manu advocati sui Reginberti tradidit in manus Reginoldi et advocati sui Engilberti sive Ellanpurgae ad Pernheim curtem ecclesiam mancipia utriusque sexus tunc ibi possessa et rite pertinentia [cum] decimis omnibusque magnis ac parvis ab eo in beneficio obsessis, et quicquid predicta Ellanpurg in locis Antheringa et Puhila cum Piligrimo archiepiscopo et Ôdalberto archiepiscopo antea complacitavit cum curtilibus casis ecclesia decimis mancipiis utriusque sexus omnibus magnis ac parvis, mobilibus et immobilibus inibi manentibus et rite adiacentibus et III servos Hiltrih Selpker Tôdink cum uxoribus ipsorum, si Reginolt longioris sit vitae quam Ellanpurg, sibi usque in finem vitae in proprietatem, si autem illa eum supervixerit, veluti suprascriptum est, per omnia sibi in proprietatem usque in finem vitae suae possideat, postea vero ad sanctam sedem integre remittendum

Testes qui et prescriptae, traditionis sunt.