Chartes et documents de Saint-Bénigne de Dijon. Prieurés et dépendances des origines à 1300. Tome premier., 95
Datierung: 875 06 20 ou 876 06 19
Ausstellungsort: Bourg Saint-Bénigne
Sacrosanctae basilicae sancti Benigni martiris, juxta castrum Divionis constructae ubi ipse domnus et gloriosus martir in corpore quiescit, et Isaac episcopus preest et Bertilon corepiscopus et abba, una cum monachorum congregatione degit. Ego Romestanius, filius Airmari, et etiam Epplenus, propinqus meus, venientes, condonavimus ad ipsam casam Dei mansum unum cum supraposito, pro remedio animae Airmari et uxoris ejus Addanae, seu pro sepultura nostra utrorumque. Et ipse mansus est situs in pago Oscarense, in villa Quintiniaco, seu in ipsa fine, et terminatur, de uno latere, Leutgardis tenet de ipsa hereditate; de alio latere et una fronte, terra sancti Benigni; de alio vero fronte, strada publica pergit: infra istas terminationes, ipsum mansum cum supraposito vel vinea vel alias res quecumque ad ipsum aspiciunt, hoc est, terris, campis, pratis, silvis, aquis aquarumque decursibus, terris cultis et incultis, jornales XXX, et pratum jornalem unum, cum exus et regressus totum ad integrum, donamus atque transfundimus, de nostra dominatione in potestatem et dominationem sancti Benigni et monachorum qui ei deserviunt. Si quis vero, quod nullo modo credimus, si nos ipsi aut ullus de heredibus nostris seu proheredes, seu quelibet ulla opposita [persona] contra hanc donationem et traditionem venire seu aliquam [calumniam] movere presumserit, non valeat evindicare quod repetit, sed insuper inferat vobis vestrisque successoribus in duplum tantum quantum ipse res eo tempore melioratae valuerint, fisco vero auri libram I coactus exsolvat; et hec donatio omni tempore firma permaneat, stipulatione subnixa. Actum Divion vico seu aecclesia sancti Benigni, publice. Signum Romestanii et Eppleni, qui hanc donationem fieri et firmare rogaverunt. S. Vualdus. Leudgencii. Bericoni. Fulmari. Rotlanni. Gotescalci. Vileberti. Andreae. Saletonis. Gondrici. Radulfi. Saifardi. Bageldae filiae ipsius Airmari. Ego Vulfardus monacus et levita scripsi et subscripsi anno XXXVI regnante KAROLO rege feliciter.