Chartes et documents de Saint-Bénigne de Dijon. Prieurés et dépendances des origines à 1300. Tome premier., 93
Datierung: 874 06 24 ou 875 06 06 ou 13
Ausstellungsort: Comblanchien
Domino in Christo venerabili sancto Benigno, in Divion burgo, vel suos rectores Bertilono abbate, emptore. Ego Ricbaldus, pro mea elemosina vel anima redimenda, dono vobis res meas in pago Belnense, in fine Setiliacense, et in fine Manniacense, et in fine Cossiniacense; et in pago Magnimontense, in villa Alba Terra, in Blacia et in finibus nuncupatis, mansis cum superpositis edificiis, campis, pratis, silvis, vineis, arboribus pomiferis, cum exus et regressus, integrum vobis dono, trado et transfundo, ut faciatis ex eisdem quod volueritis. Si quis vero, si ego ipse aut ullus de heredibus meis qui contra hanc donationem venire aut reclamare voluerit, non hoc valeat evindicare quod repetit, sed insuper inferat vobis vestrisque heredibus, una cum socio fisco, auri libram I; et haec donatio omni tempore firma permaneat, stipulatione subnixa. Actum Blancanae Curtae, villa publica. Signum Ricbaldi qui donationem istam fieri et firmare rogavit. S. Vualbert. S. Adigario. S. Edenelmo. S. Amalgerio. Ego Saifardus prepositus, ad presens adfui. Ego, Ansedeus scripsi et subscripsi, datavi die lunis in mense junio, anno XXXV regnante Karolo rege.