Chartes et documents de Saint-Bénigne de Dijon. Prieurés et dépendances des origines à 1300. Tome premier., 91
Datierung: 874 02 11
Ausstellungsort: Saint-Bénigne
Sacrosantae aecclesiae sancti Benigni martiris, sub opido Divionis constructae, ubi venerabilis vir domnus Isaac preesse videtur episcopus et Bertilo corepiscopus vel abba, cum omni congregatione monachorum. Ego Amalgerius cogitavi, Dei intuitu, et remuneratione perpetua vel remissione peccatorum meorum, ut aliquid de rebus meis ad ipsum sanctum locum, vel monachis illic Deo famulantibus, concedere deberem, quod ita in Dei nomine feci. Dedi igitur in pago Divionense, in villa Colonicas seu in ipsa fine in loco qui vocatur Varennas, de vinea jornalem dimidium; qui terminat, de ambis lateribus, ipse Amalgerius tenet; de uno fronte, terra sancti Benigni; de alio fronte, strada publica: infra istas terminationes, ipsam vineam ad integrum. Similiter aliam vineam in ipso loco jornalem dimidium; qui terminat, de uno latus, Elseus et Ingelerius tenent; de alio latus, Adalmannus et Aimo tenent; de uno fronte, terra sancti Benigni; de alio fronte, strada publica: intra istas terminationes, ad integrum ipsam vineam. Quicquid in predictis vineis visus fui habere aut dominare seu possidere, ad memoratam basilicam sancti Benigni monachisque in eodem loco Deo servientibus, cedo et trado atque transfundo pro spe salutis vel eternae retributionis; ut quicquid tam ipsi quam successores eorum facere voluerint, liberam in omnibus habeant potestatem. Si quis vero, quod futurum esse non credo, si ego ipse aut ullus de heredibus meis aut quelibet ulla oposita persona, contra hanc epistolam cessionis venire aut ulla calumpnia agere voluerit, nullo modo valeat evindicare quod repetit, sed inferat vobis vestrisque successoribus, ad aucmentum ejusdem basilicae, auri libram I; et nihilhominus presens hec cessio firma et stabilis permaneat, stipulatione subnixa. Actum Divion, in basilica sancti Benigni, publicae. Signum Amalgerii, qui hanc donationem fieri et firmare rogavit. S. Gotescalc. S. Saifart. S. Silvani. S. Airardi. S. Ateo. S. Framierii. S. Nantoardi. Ego Vulfardus monacus atque subdiaconus, hanc donationem scripsi et subscripsi, datavi die jovis IIII idus februarii anno XXXIIII Karoli regis. De Colonicas.