Chartes et documents de Saint-Bénigne de Dijon. Prieurés et dépendances des origines à 1300. Tome premier., 19
Datierung: 735 (04)
Ausstellungsort: Bagna villa
Sacrosanctae basilicae sancti Benigni martiris que est sub opido Divione constructa ubi ipse preciosus in magno honore requiescit in corpore, ego in Dei nomine, Goyla peccatrix pro redemptione animae meae atque peccatorum meorum remissione concedo ad ipsa basilica vel ejus actores post diem obitus mei vel dulcissimo jugale meo Bonevasso nomine, cessumque inperpetuum ut permaneat esse volo, hoc est in pago Atoariorum in villa vel in fine Longoviana quicquid ibidem visa sum habere vel possidere aut dominare, hoc est tam territorias, domibus indominicatis vel omnibus adjacenciis seu et omni re superposita, curtiferis, villaribus, campis, pratis silvis, vineis, pomiferis, pascuis, accessisque omnibus, aquis aquarumque decursibus cum omni jure vel omnibus adjacentiis vel appenditiis suis totum ad integrum, una cum mancipiis, libertis cum omni peculio ipsorum una cum acolabus totum ut dixi in ipsa villa vel in ipsa fine Longoviana seu etiam in ipso agro tam de alodo quam de parentum meorum successione per instrumenta cartarum aut de quolibet ingenio vel extracto de quacumque parte ad me ibidem advenit aut in antea Christo presule pervenire potest. Hoc totum et ad integrum cum omni integritate vel soliditate transfundo ad actores vel rectores ipsius basilice superius dicte domni Benigni, post diem obitus mei aut jam dicto jugale meo nomine Bonevasso a die presente ipsas res superius nominatas absque ulla contrarietate vel cujuscumque contradictione in Dei nomine possideant atque in jus suum revocent ut quicquid exinde ad oportunitatem ipsius loci facere voluerint inlibato ordine omni tempore peragant et fruantur ad suum arbitrium. Et quod nec fieri credo si ego ipsa aut ullus de heredibus meis vel quelibet persona ulla opposita convenientia ullo tempore contra presentem epistolam cessionis quam ego plenissima voluntate mea pro redemptione animae meae conscribere rogavi venire vel repetere aut calumpniare presumpserit inferat partibus supradicte basilicae sancti Benigni suisque actoribus, una cum socio fisco auri libras IIIes, argenti pondus V et nihilominus presens cessio et voluntas meas omnique tempore firma et inviolabilis debeat. Actum villa Bagna publica. Signum Goylanae que hanc donationem fieri et firmare rogavit. Signum Bonevassi jugalis sui qui consensit. In Dei nomine Godinus abbas conscripsit. Signum Godefridi. Signum Landuini. Signum Teoderanni. S. Elmoaldi. S. Graffionis. S. Richelmi. In Dei nomine ego Brandalenus presbiter rogatus apta firmavi accessione scripsi et notavi die sabbati proximo ante medio mense aprilis anno XIIII Theoderici regis.