Chartes et documents de Saint-Bénigne de Dijon. Prieurés et dépendances des origines à 1300. Tome premier., 2
Datierung: Entre 507 et 540
Sanctus Gregorius, edificato templo ad honorem Dei et sancti martiris ejus Benigni, congregationem hic adunavit monachorum, ut eis non deessent temporalia subsidia, studuit ditare hunc locum, terrarum possessionumque larga munificentia. Dedit ergo de rebus propriis et de rebus episcopii plurima; inter que dedit potestatem que dicitur Saciacus, cum ecclesia et omnibus appenditiis, scilicet villas numero. XIII., que sunt Corleius, Isiadus, Rumiliacus, Fraxinus, Camberia, Linerolus, Brucialis, Bruciacus, Cernadus, Vallis, Bona Curtis, Juvenadus, Longus Campus: istas villas, cum omnibus adjacentiis seu et omni se superposita, campis, pratis, silvis, pomiferis, pascuis, accessis, aquis aquarumque decursibus, et omnes reditus totum ad integrum, una cum mancipiis, libertis, cum omni peculio ipsorum, una cum accolabus, dedit ad servitium monachorum jure perpetuo ad possidendum.