Datierung: c. 765-788
Ausstellungsort: Wörth
In nomine domini dei salvatoris nostri Jesu Christi Ego Opi tractans [tractavi] de aeterna beatitudine vel qualiter deum contempnentes poenam incidunt et deo confitentes vitam adipiscunt sempiternam. ldeo propter amorem celestis regni et remissionem peccatorum meorum cum licentia Tassilonis et consilio parentum vel filiorum meorum pro memet ipsum et pro decessores meos trado et confirmo ad sanctum Emmerammum dimidiam substantiam vel hereditatem, quam habeo in insula que dicitur Opinesaldaha Haec traditio inprimis facta est in eclesia sancti Petri in loco qui dicitur Uuerid, ubi monachorum est congregatio, in presentia subsequentium: Aotkeri et Thaugolfi presbyterorum et Struti diaconi et Adalbaldi; et deinde coram Sindberto episcopo ad Reganesburc renovata hec traditio. Quicquid enim ego Opi visus sum habere in supra nominato loco, omnia simul trado ad supra dictum sanctum dei: curtem cum domo vel aliis edificiis, cum prata et campis, silvis et aquis sive cum omnibus, utensilibus meis post meum obitum stabilitate perpetua firmentur ad iam dictum sanctum cum V mancipiis, quorum nomina sunt Herileip et Amalheid, Adalman et Plidhilt et Cundrud Isti sunt testes Uviteol, Oscriim, Adalheri, Riholf, Engilperht, Meginolt, Zinzo. Ego Thaugolf presbyter scripsi