BISCHOF WALTRICH LÄSST IM SENDGERICHT EPO SEINER KIRCHE ZUSPRECHEN UND GARANTIERT DESSEN GEMAHLIN HRODUUAR SOWIE SPÄTEREN KINDERN DEN FREIEN STAND.
Datierung: 800-804 Februar 27.
Ausstellungsort: Inzing
Dum residissent missi serenissimi imperatoris Karoli in fisco publico ad Inzinga adquirendas causas Arn episcopus et Uualdricus episcopus et predictus abbas Deotker seu iudex Kyslehart ibidem in loco Rantolf comis aderat et omnis turba qui ibidem advenerat in presentia ipsorum exquirebat Uualdricus episcopus istum hominem Eponem ad servitium beati sancti Stephani et sancti Valentini et ipse episcopo in presentia illorum tradidit se ipsum cum filiis et filiabus suis ad serviendum deo et sancto Stephano seu Uualdrico episcopo. Et hoc fuit factum in XIII kal. mar. modo deo auxiliante Uualdricus episcopus iussit scribere hanc paginolam ut sciretis dipsius femina nominae Hroduuar quod ipsa fuit libera genita et modo petimus deum omnipotentem ut nullus episcoporum seu et aliorum quibuscunque beneficiatum fuerit hoc diocesses ut nullus ipsorum hanc libertatem inire seu frangere conaverit, ut ista femina habeat potestatem ingrediendi ad virum suum tamquam si ipse fuiset liber. Denique quanti post istam conventionem nati fuerint ex ea femina, liberi sint semper deo auxiliante. Et ego Uualdpertus iussus a Uualdrico episcopo indicavit scribere hanc paginolam