Datierung: 1161 02 07
Ausstellungsort: Anagni
Alexander episcopus seruus seruorum Dei. Uenerabilibus fratribus G. Cenomann(en)si et S. Redon(en)si episcopis salutem et apostolicam benedictionem. Causam, que inter monachos sancti Melanii et Petrum Pigotii et Guill(el)mum clericum nepotem eius super quadam uinea, quam ipsi monachi ab eisdem conqueruntur contra iusticiam detineri, noscitur agitari, discretioni uestre committimus audiendam et fine debito terminandam. Quocirca fraternitati uestre per apostolica scripta mandamus, quatinus utramque partem ante uestram presentiam conuocetis et rationibus hinc inde auditis diligenter et cognitis eandem causam mediante iusticia decidatis. Quod si alter uestrum aliquo casu defuerit, alter nichilominus in causa ipsa procedat. Dat. Anagn. VII idus febr.