REGEST MABILLE: Statuts du chapitre de Saint-Martin, touchant la récitation du symbole de saint Athanase. A la demande d’Adam, chanoine de Saint-Martin, grangier et prévôt de Suèvre, les chanoines, réunis en chapitre, décident qu’ils récitceront tous les jours fériés ou non fériés, à l’heure de prime, le symbole de saint Athanase : Quicumque vult salvus esse, etc. ; qu’à la mort de l’un d’entre eux, on dira à son intention, pendant trente jours consécutifs, une messe spéciale sur le grand autel, à laquelle les chanoines seront tenus d’assister. Deux ou trois d’entre eux à tour de rôle jeuneront au pain et à l’eau pendant ce même laps de temps, afin de mériter au défunt le rachat de ses fautes. Le chapitre règle également la manière dont les prières seront dites devant le tombeau de saint Martin, chaque fois que l’on s’attendra à la mort d’un frère, etc.
REGEST EDITION: Statutum Capituli S. Martini Turonensis, de dicendo symbolo S. Athanasiii, et de fratribus obdormientibus.
Datierung: MABILLE: 922 06 01; EDITION: 922
EDITION: Durand, Ursin und Edmond Martène (Hgg.): Thesaurus Novus Anecdotorum Tomus Primus, Paris 1717 (Thesaurus Novus Anecdotorum 1), Sp. 62-63.
Anno Domini DCCCCXXII. Calendis videcet Junii hortatu et suasione atque servitio cujusdam fidelis fratris gregis inclyti confessoris Christi B. Martini, Adam sacerdotis, et granicarii, necnon et pseudoforensis villae praepositi, statuerunt ejusdem gregis generaliter fratres, et statuentes confirmaverunt, ut ex illo tempore, quandiusculum stetisset, cantarent fratres generaliter ad horam primam tam festis diebus, quam et quotidianis catholicam fidem quam S. Athanasius Spiritu-sancto dictante composuit, id est, Quicumque vult salvus esse; et insuper quandocumque aliquis fratrum, ex eodem coenobio obiisset, cantarent pro eo quotidie per triginta dies post horae primae expletum capitulum, super altare dominicum propriam missam, ad quam offerrent fratres generaliter, tam majores quam et minores, in eucharistiam Christi, ut mos est, panem et vinum, et nihilominus jejunarent pro ipsius remissione peccaminum, aliorumque defunctorum fratrum per eosdem XXX. deo vel tres fratres in pane et aqua usque ad vesperam, et si eadem die vinum biberent, idipsum redimerent, ipsiusque redemtionem pauperibus erogarent. Impetravit quin etiam similiter indebite isdem praefatus frater, uti pro infirmante vel infirmato fratre et ad exitum properante essent duo vel tres fratres, aut, si fuissent, VII. qui pro delictis deficientis fratris ante gloriosi B. Martini sepulcrum ad VII. horas canonicas ad unamquamque, usque ad expletum mortui fratris tricesimum praescriptum diem, quotidie septies genua flecterent, suasque culpas ipsius vice ad Dominum proclamarent, ut cum ad locum sepulturae delatus fuisset, exceptis omnibus aliis debitis pro eo expletis officiis, quousque corpus humatum fuisset, semper darentur signa, ut ea audientes fideles Christi pro ipso Domini misericordiam implorent, quatenus importunitate precum fidelium fratrum: (omnes enim in Christo fratres sumus), ipse qui per apostolum Jacobum invicem jussit orare ut salvarentur, et est remissio omnium peccatorum ad fidem petentium, qui dixit secundum fidem tuam fiat, et iterum ad ecclesiam: fides tua te salvam fecit; et si non in praesenti, saltem in die ultimi judicii omnes illius offensas dimittere dignaretur. Hoc enim divinitus inspiratum fratres ita posteris fratribus confirmatum reliquerunt, ut unusquisque quod de seipso voluisset, id ipsum pro unoquoque fratre futuris diebus corde tenus et votive, atque fideliter perficere studuisset.