REGEST MABILLE: Erberne, archevêque de Tours, et son frère Adalaldus donnent au monastère de Saint-Martin et aux chanoines du dit lieu, un alleu appelé villa Spinosa, situé en Dunois, dans la viguerie de Varize, avec l’église dédiée à Notre-Dame, et un autre alleu situé in villa Lubla. Cette donation est faite à la condition qu’ils détiendront les dits biens leur vie durant, à la charge de payer au chapitre, à la Saint-Brice, deux muids de vin de cens annuel. Ils pourront, à leur mort, léguer la jouissance de ces biens à celui des frères qu’ils voudront, à la condition que le légataire paiera au chapitre deux muids de froment et quatre muids de vin de cens annuel.
REGEST EDITION: Acte de Donation faite par Erbernus Archevêque de Tours, et Adalaldus son frere, Evêque en faveur des Chanoines de S. Martin, l’an 996.
Datierung: MABILLE: 895 11 10; EDITION: 996
EDITION: Abrégé de la deffense des privileges de la noble et insigne eglise de S. Martin de Tours, sujete sans moyen au S. Siege apostolique contre l’appel comme d’abus interjetté par Meßire Mathieu Isoré d’Hervault, conseiller du roy en ses conseils, archevêque de Tours, Paris 1709, S. 135-136.
Multipliciter multiplex omnipotentis misericordiae Dei per plurimum voluit honorare genus humanum, dum cuique mortali largiri dignatus est, ut ex temporalibus et caducis rebus sempiterna proemia, et ex transitoriis coelestia possis regna mercari, ejusdem omnipotentis Dei voce misericorditer pollicentis, date elemosynam, et omnia munda fiunt vobis. Et iterum quicunque erogaverit vel dederit pro nomine Domini agros, praedia et possessiones, domos ac familias pauperibus locis sanctorum Deo famulantibus, centuplum accipiet et vitam aeternam possidebit. Hujus igitur tantae beatitudinis et pietatis confidentia bene confisi, Nos in Dei nomine sanctae Turonicae sedis Erbernus humilis Archiepiscopus, nec non et Germanus noster Adalaldus et idem Episcopus tractantes quotidie modum fragilitatis humana, et pertimescentes admodum molem nostrae nequitiae, paventesque ultimi examinis tremendum omnibus diem, quatinus eundem omnipotentem Deum factorem ac piissimum Redemptorem nostrum propitium in praelibata judicii die invenire mereamur, beatissimumque Confessorem ipsius Patronum nostrum domnum Martinum in die, ut diximus, nostrae extremae necessitatis; et praesentis etiam saeculi omnibus in fortunis piissimum ut est semper intercessorem habere possimus, pro remedio animarum nostrarum et perpetua remuneratione tota mentis nostrae devotione offerimus, et perpetuo condonamus eidem omnipotenti ut saepe diximus Deo, et sancto Confessori ejus jam dicto Patrono nostro Domno Martino, ad speciales usus suorum scilicet Canonicorum nostrorum fratrum Domino ibidem famulantium, quemdam proprium nostri juris Alodum, quem nostris datis pretiis legaliter adquisivimus, villam videlicet Spinosum nomine, sub omni integritate sitam in pago Dunensi in vicaria Vareziacensi cum Ecclesia ibidem in honore beatae sanctaeque Virginis Mariae constructa, et alodum etiam alterum nostrum qui est situs in villa quae vocatur Lubla villa pariter cum domibus, vineis, silvis, terris cultis et incultis, pratis, pascuis, aquis et mancipiis utriusque sexus desuper commanentibus mobilibus et immobilibus, quaesitis et inquirendis, ac praeviis et omnibus illorum utilitatibus et adjacentiis, quantumcunque nostra possessio ibi esse videtur, totum et ad integrum de nostro jure et dominatione in jus et ditionem saepedicti Domni nostri Martini suorumque Canonicorum fratrum nostrorum humili devotione condonamus, cedimus, tradimus atque transfundimus perpetualiter, ad habendum et semper deinceps possidendum, eo siquidem rationis tenore, ut quamdiu advixerimus ipsas res sub omni integritate quieto ordine possideamus, reddentes annuatim in usus Canonicorum sancti Martini ob memoriam nostri in natala beati Briccii exinde censum vini modii II, sicque diebus quibus advixerimus quieto ordine teneamus, post nostrorum vero amborum digressum habeamus licentiam, cum consensu tamen praefatorum sancti Martini Canonicorum fratrum nostrorum, cuicumque voluerimus et nostris parentibus aut amicis ejusdem tamen gregis Canonico ipsas res, tamen per libitum fratrum sub ampliori censura integerrime dimittendi. Ea etiam tantum ratione, ut ipse quicunque extiterit successor noster, studeas exinde reddere annis singulis fratribus, non in natale sancti Bricci ut supra, sed in die depositionis illius qui primus obierit ex nobis duobus quocunque acciderit tempore, ut eo die nostri memoria communiter ante pretiosissimi praelibati patris nostri Domni Martini sepulchram agatur a fratribus, censum tritici modia II. et vini modia IIII. Et ita pro nostro amore praefatas res omnes indultu fratrum quandiu advixerit quieto ordine teneat et possideat; sed post illius digressum omnes res praetitulatae cum omni amelioratione, sine alicujus contradictione aut consignatione in jus et potestatem revocentur integerrime fratrum, ita videlicet, ut si ipsi easdem res in communi habuerit, aut alicui fratrum consenserint, semper commemorationem quam diximus faciant: ipsaque utinam commemoratione a peccatis nostris per Patri nostri et Domni Martini deprecationem solvi, vitamque prompta voluntate fratrem adipisci mereamur aeternam. Amen. Quapropter devotissime statuimus, et statuentes sub testificatione firmavimus, ut si fuerit aliquis ullo unquam tempore, quod venturum fere nullo modo credere possumus, nos videlicet ipsi aut ullus de heredibus ac pro heredibus nostris, vel quilibet introductus qui aliqua occasione aut iniqua cupiditate seductus econtra hujus nostrae devotissimae contulitionis et eleemosinae testamentum aliquam repetitionem aut calumniam inferre temptaverit, inprimis nisi citissime resipuerit, et quod male praesumpserit emendare studuerit, irae omnipotentis Dei et offensae beati Martini, quem ex pretitulatis rebus aeternum facimus heredem, omniumque etiam Sanctorum se sentiat anathemate perculsum. Et insuper inpraesenti contra quos litem inferre temptaverit, auri ad purum excocti libras lx. coactus exolvat, et omnis ejus repetitio pene frustretur et ad nihilum deducatur. Hujus vero nostrae devotissimae contulitionis et elemosynae auctoritas, nostris propriis aliorumque nobilium virorum manibus subscripta et corroborata, firma et inviolabilis, ac diuturna ubique permaneat. Amen. Signatum ERBERNUS.
ADALALDUS voluntarie donavit et subscripsit.
Data est autem hujus elemosynae auctoritas in civitate Turonis III. Id. Novembris anno VIIII regnante Domno Odone glorioso Rege.
Ego Archanaldus a praefatis Praesulibus rogatus laevita atque Scholae Magister scripsi.