REGEST MABILLE: Robert, abbé de Saint-Martin, confirme la possession des biens affectés à l’entretien des écolés du dit lieu. Odalric, diacre et maître-école de Saint-Martin, expose qu’il tient certains biens en précaire, à Martigny, au même titre qu’Amalric Milon, Guichard et Ermengaire, ses prédécessenrs, les ont tenus, et que, craignant la malignité des hommes, il prie l’abbé Robert de lui confirmer la possession des dits biens et de lui délivrer un titre de cette confirmation, semblable à celui délivré autrefois par l’abbé Adalard, Robert, se rendant à la demande d’Odulrie, lui confirme la possession de tous les biens affectés à l’entretien du maître-école, savoir tout ce qui dépendait du domaine de Martigny et le pré situé entre la Loire et le Cher, appelé Pratum Luci.
REGEST EDITION: Dieses Regest ist nicht öffentlich zugänglich.
Datierung: MABILLE: 894 08 30; EDITION: 895 07 30
EDITION: Bautier, Robert-Henri (Hg.): Recueil des actes de Robert 1er et de Raoul rois de France (922-936), Paris 1978 (Chartes et diplômes relatifs a l’histoire de France 13), S. 145-149, Nr. 39.
In nomine summi Salvatoris Dei. Ego Rotbertus, gratia Dei, inclitae congregationis egregii patris beati Martini abbas. Notum fieri volumus omnibus qui nobis in eodem regimine per diversa futuri sunt tempora, qualiter quidam humilis diaconus ejusdem congregationis, nomine Odalricus, scholae quidem magister, petiit mercedis nostrae benivolentiam, ut beneficiolum quoddam ei concedere dignaremur in villa Catiniaco et Puteo mundato, quod etiam multis antecedentibus tenuerunt temporibus quicumque in eodem monasterio a tempore Amalrici, quondam quidem magistri et postmodum episcopi, scholae officium administraverunt, scilicet Milo et Guichardus necnon Ermengarius, ejusdem ecclesiae venerabilis canonici et diligentes magistri, et praedictus quidem Odalricus, in eodem officio degens, memoratum beneficiolum in praenominatis villis tenebat, quando nostram ex ipso expetiit humanitatem. Sed praevidens futuri temporis fraudes, per Eiricum, nostrum fidelem, et Gauzuinum, ejusdem loci decanum, qualiter ipse praedictas res per auctoritatem teneret, nobis mandavit, et in praesentia, si necesse extitisset, munimina cartarum se habere dixit, scilicet qualiter Adalardus, jam olim praedecessor noster abbas, easdem res eidem ministerio delegaverat, et super hoc praeceptum a <magno> Karolo in opus scholae, successor illius, Vivianus abbas impetraverat, scilicet ne in posterum a quodam tanta et tam magna merces violari valeret. Quorum sanam admonitionem et non inconvenientem Odalrici petitionem cognoscentes, placuit nobis illi concedere quicquid in predictis villis jam nominati viri ex antiquo tempore tenuerunt, scilicet quicquid ex corte Martiniaco ab ipsis possessum et dominatum fuit, cum prato inter Ligerim et Carum qui nuncupatur ad pratum Luci, ita ut deinceps a nemine nostrorum successorum ullam patiatur inquietudinem aut calumniam, sed quieto ordine et legitima cessione res praenominatas teneat et tempore vitae suae possideat. Quicumque vero cortem Martiniacum nostro aut futuri successoris dono obtinuerit, hanc auctoritatem sine ulla inquietudine sinat inviolabilem permanere. Si autem tam temerarius fuerit, ut hanc nostrum mercedem ac elemosinam antecessorum nostrorum abbatum, qui per omnia eam hactenus inviolabilem custodierunt, in aliquo contraire audeat, inprimis offensam Dei incurrat et iram beati Martini in ultione sentiat, nisi citissime a sua mala voluntate recesserit, et quicquid perperam gessit emendare studuerit. Et licet in cessionibus poena non inseratur, mihi tamen placuit inserere, ne levitate insolenti auctoritas nostra corrumpatur. Et ideo obtestamur omnes, ante quorum praesentiam haec epistola venerit, ut nostram plenariam audientes mercedem, eam stabilem faciant permanere et sacrilegium invasorem libra auri multatum ab omni dominatione et invasione legaliter removeant; et sicut omnes sua acta stabilia volunt esse obsecramus, ut ita sinant hanc nostram cessionem permanere inviolabilem. Ut autem haec auctoritas major et utilior, ubicumque visa fuerit, appareat, statuimus et humili prece jamdicti Odalrici decrevimus, ut postquam ab scholae officio gratia emeriti cessaverit, ne ex toto mercede sui laboris privetur, per censum diebus vitae suae, quod libenti animo concedimus teneat, habens licentiam plantandi, aedificandi et quicquid illi melius visum fuerit faciendi, reddendo annis singulis ad festivitatem sancti Martini autumnalem magistro scholae solidos duos; et sic quicquid cedimus, cessum habeat et teneat diebus vitae suae; post suum quoque obitum, cuicumque ex amicis vel parentibus relinquere voluerit sub praefixo censu potestatem habeat dimittendi, et sic post horum excessum ad scholae revertatur principium. Placuit denique ut quod libenter dicebamus velle firmum manere, pro majori auctoritate manu propria corroboraremus et fratres nostros corroborare decerneremus, sicut infra scriptum est.
Ego Rotbertus, abbas, signo sanctae crucis corroboravi.
Gauzuinus, sacerdos atque decanus, subscripsit.
Ragambaldus, diaconus.
Sigo, diaconus, subscripsit.
Berno, sacerdos atque archiclavis, subscripsit.
Leubo, hospitalarius et levita, subscripsit.
Autbertus, levita, subscripsit.
Adalelmus, diaconus, subscripsit.
Berlaicus, sacerdos atque precentor, subscripsit.
Blatherus, presbiter, subscripsit.
Odilmarus, presbiter, subscripsit.
Albericus, diaconus, subscripsit.
Erfredus, diaconus, subscripsit.
Israhel peccator, levita, subscripsit.
Berno, levita, subscripsit.
Gualterus, diaconus, subscripsit.
Guandalhardus, diaconus, subscripsit.
Adelelmus, item diaconus, subscripsit.
Eudo, diaconus, subscripsit.
Rotbertus, subdiaconus, subscripsit.
Milo, diaconus, subscripsit.
Sichardus, clericus, subscripsit.
Guinemannus, diaconus, subscripsit.
Adam, subdiaconus, subscripsit.
Dodo, diaconus, subscripsit.
Hunfort, presbiter, subscripsit.
Beringerius, sacerdos, subscripsit.
Tesmundus, subdiaconus, subscripsit.
Ernerius, diaconus, subscripsit.
David, acolitus, subscripsit.
Data est autem haec manus firma Turonis, III kal. augusti, prius a praescripto domno Rotberto abbate firmata carta, anno VII domni Odonis regis.
Ego Archanaldus, diaconus, rogatus scripsi et subscripsi.