REGEST MABILLE: Les évêques des XIV provinces des Gaules et de la Belgique, réunis en concile à Tusey, diocèse de Toul, confirment au monastère de Saint-Martin la possession des biens legués par saint Yrier, et dont l’abbé Hilduinus leur présente le testament original, ainsi que les diplômes des rois et les priviléges des évêques accordés au dit monastère depuis la mort de saint Martin. Hilduin déclare qu’à l’égard de ces derniers, il ne peut les représenter tous, une partie ayant péri lors de l’incendie du monastère causé par la dernière invasion des Normands, et que des hommes pervers et puissants, se prevalant de cette absence de titres, détenaient depuis lors une partie des biens du chapitre; qu’en conséquence il prie le concile de remédier à un état de choses si préjudiciable à son monastère. Les évêques, ayant égard à la demande du vénérable abbé, confirment au monastère de Saint-Martin nonseulement les biens légués par saint Yrier, mais toutes ses autres possessions, entendant que le dit monastère soit remis en pleine possesion des droits qu’il avait à la mort de Charlemagne et qu’il renire en jouissance des biens qu’il possédait alors en Allemagne, en France, en Italie, en Aquitaine, en Provence ou ailleurs, ainsi que de ceux qui lui ont été donnés ou légués depuis, nonobstant l’absence des titres détruits ou brulés, le présent privilége devant en tenir lieu à l’abbé et aux religieux.
REGEST EDITION: Dieses Regest ist nicht öffentlich zugänglich.
Datierung: MABILLE: 860 11 07; EDITION: 860 10 22 – 860 11 07
EDITION: Hartmann, Wilfried (Hg.): Die Konzilien der karolingischen Teilreiche 860-874, Hannover 1998 (Monumenta Germaniae Historica Concilia 4), S. 38-40.
Sancta generalis synodus episcoporum XIIII provinciarum, Lugdunensium scilicet, Rothomagensium, Turonensium, Senonum, Viennensium, Arelatensium, Vesontionum, Moguntinorum, Agripinensium, Trevirorum, Remorum, Biturigensium, Burdegalensium, Narbonensium, qui secundum instituta ecclesiastica favore sedis apostolicae ac nutu dominorum nostrorum Karoli Calvi et Clotarii regum gloriosorum anno dominicae incarnationis DCCCLX, indictione VIIII, VII Idus Novembris convenimus in villam Tussiacum Tullensis parrochiae omnibus ordinibus, potestatibus, personis ac dignitatibus universis praesentibus scilicet et futuris, gratia vobis et pax a deo patre et domino nostro Iesu Christo, vero filio eius, et a sanctissima trinitate scilicet individuae deitatis, detur atque multiplicetur.
Cum apud nos ecclesiasticae utilitatis atque necessitatis negocia more ecclesiastico ventilarentur atque diffinirentur, obtulit nobis venerabilis abba Hilduinus privilegia monasterii sancti Martini, quorum tenorem comperimus, beatorum episcoporum ac praedecessorum nostrorum subscriptionibus roboratam. Inter quae ostendit nobis testamentum sancti Aredii de rebus a se sancto Martino datis, quod ipse manu sua conscripsit et sub maximis attestationibus confirmavit, testamenta etiam de Bladono et de Burgogalo ac de Lirado nec non et praecepta regum atque imperatorum, qui tempore obitus beati Martini ipsum coenobium honorabiliter coluerunt et rebus atque donis admodum ditarunt, sacrae synodo praesentavit. Prosecutus est etiam idem venerabilis abba Hilduinus, quoniam infestatione Nortmannorum, qui ante hos annos monasterium illud succenderunt, quaedam tam privilegia episcoporum quam praecepta regum ex eodem loco sint perdita, sed plura paucis praesentibus ministrorum sint sollicitudine custodita, sed et in commotione regni, quae mota est nuper seditiosorum hominum factione, quaedam loca et villas minus necessario deum timentes sibi in suam perniciem usurparunt. Inter quos et Emenus monasterium sancti Aredii, quod ei iam tertio et regia potestas et episcopalis auctoritas interdixit, sed diabolica obduratione a suo perverso conatu resipiscere noluit, suavis quoque nomine et durus conamine et actione in damnationem suam sibi usurpare praesumpsit. Quapropter sanctorum episcoporum et praedecessorum nostrorum, qui cum deo in caelis regnant et in terris miraculis coruscant, confirmationum privilegia prosequentes hoc quoque privilegium communi consensu fieri et a nobis confirmari decrevimus, ut, quorum sedibus praesidemus, confirmationem etiam roboremus evangelica et apostolica atque canonica et episcopali auctoritate confirmantes et obtestantes, ut honoris privilegium, quod caenobium venerandi semperque colendi beati Martini pontificis gloriosi tunc temporis habuit, quando domnus Karolus divae memoriae imperator ab isto saeculo emigravit, ab omnibus conservetur. Res quoque et mancipia, quae tempore illo tam in Alamannia quam in Francia vel in Italia sive Aquitania seu in Provincia vel ubi et ubi legitimo iure possedit vel quae postea vota fidelium eidem sancto domino contulerunt vel quae de cetero collata a quocumque extiterunt, nemo contra statuta canonum sibi usurpare praesumat sive pessumdet et praesumptores, qui eas nunc indebite retinent, postquam haec ex divino mandato praeceptionis et confirmationis nostra auctoritas ad eorum notitiam venerit, nullatenus contra statuta divina vota fidelium infideli usurpatione sibi evindicent, sed dispositione rectoris monasterii beati Martini, quae sua sunt, licenter et libere ordinari permittant. At si contra haec statuta forte quisquam praesumpserit, secundum canonicas et apostolicas regulas ac privilegia beatorum episcoporum, qui nos in domino praedecesserunt et iuxta sancti Aredii testamentum a communione redemptionis nostrae et omnium fidelium societate iudicio sancti spiritus alienus efficiatur, donec resipiscat et, quae monasterio sancti Martini sunt tradita, cum satisfactione restituat.
Herardus Turonensium metropolis episcopus subscripsi.
Rodulphus Bituricensium archiepiscopus.
Guntarius Agripinensis ecclesiae episcopus.
Atto indignus episcopus firmavit.
Launus Aequanusinae sedis episcopus.
Arduinus Wilanae ecclesiae episcopus.
Stabilis Harvarnensis ecclesiae episcopus.
Raginelmus Tornacensis ecclesiae episcopus.
Humfridus Morinensis ecclesiae episcopus.
Ionas Eduorum episcopus.
Cristianus Autisiodorensis ecclesiae episcopus.
Remigius Lugdunensis ecclesiae episcopus.
Hincmarus sanctae ecclesiae Remorum episcopus.
Wanilo munere divino Sennensis episcopus.
Frotharius Burdegalensis episcopus.
Hado munere divino Viennensis episcopus.
Agius indignus episcopus signavit.
Ercambertus indignus episcopus.
Ercenraus Catalanensis ecclesiae episcopus.
Isaac sanctae Lingonensis ecclesiae episcopus.
Baraldingus Matiscensium ecclesiae humilis episcopus.
Godolsadus Cabilonensium ecclesiae humilis episcopus.
Adulphus Barcilonensis episcopus.
Hildegarius Meldensis ecclesiae episcopus.
Gunbertus Ebrocensis ecclesiae episcopus.
Wisaus sanctae Mariae titulo episcopus.
Inganardus Pictavensis ecclesiae episcopus.
Aeneas Parisii indignus episcopus.
Audesindus Helenensis episcopus.
Ego Alduinus indignus episcopus Aulensis.
Ego Fridoldus indignus episcopus.
Stadilo episcopus.