REGEST MABILLE: Eudes, au nom et comme abbé de Saint-Martin, échange avec Frothaire, archevêque de Bourges et abbé de Saint-Julien de Brioude, la villa de Marsat en Auvergne, et la villa dite Dronius, appartenant au chapitre de Saint-Martin, contre les villae appelées Balneacum et Vineas, situées en Berri, dans la vicaria Corboninse (ou Cortoninse), appartenant au monastère de Saint-Julien de Brioude.
REGEST EDITION: Dieses Regest ist nicht öffentlich zugänglich.
Datierung: MABILLE: 886 05; EDITION: 887 05
EDITION: Bautier, Robert-Henri (Hg.): Recueil des actes d’Eudes roi de France (888-898), Paris 1967 (Chartes et diplômes relatifs à l’histoire de France 11), S. 217-221, Nr. 56.
Multum omnimodis tenetur et lege ab antiquis legislationibus sancitum habetur et, quandocunque venerabiles et legitimae personae sive congregationes diversarum ecclesiarum per consensum suorum abbatum et a contrario abbates per consensum canonicorum subditorum ex rebus ecclesiarum pro communi opportunitate et convenientia inter se commutare voluerint, id legaliter tituli cartarum corroborare studeant, ut quod unaquaeque delegerit ecclesia pro ambarum partium opportunitate, id postmodum irrefragabiliter legis judicio et communi sensu inconvulsum per futura tempora sine repetitione alicujus personae permaneat. Igitur placuit atque omnimodis congruum extitit ut praedia diversa fundosque per plurima consistentes congregationis praestantissimi confessoris Christi sancti Martini Turonorum praesulis et sancti Juliani martyris Brivatensis quidam monasterii, per consensum et promtissimam etiam voluntatem domni Odonis, insignis praelibatae sancti Martini congregationis abbatis, necnon et domni Frotharii, clarissimi archiepiscopi Bituricae civitatis et venerabilis abbatis praenominatae fraternitatis scilicet sancti Juliani martyris, inter se pro communi compendio commutare deberent, quod et fecerunt. Dedit igitur congregatio venerandi martyris sancti Juliani Brivatensis monasterii, consentiente et cooperante sanctissimo archiepiscopo praescriptae urbis et praeclarissimo abbate ejusdem congregationis domno Frothario, parti Sancti Martini suaeque congregationi quasdam villas sitas in pago Biturico in vicaria Corboninse, nuncupantes Balneacum et Vineas, cum omnibus rebus ad ipsas pertinentibus, scilicet cum terris cultis et incultis, inquisitis et ad inquirendum omissis, aedificiis, mancipiis, vineis, silvis, pratis, pascuis, aquis aquarumve decursibus, mobilibus et immobilibus et omnibus adjacentiis ac appendiciis eorum et ad integrum de sua proprietate et dominatione in jus et potestatem superius nominatae congregationis Sancti Martini et ejusdem abbatis, domni abbatis Odonis, tradidit, ita videlicet ut ab hodierna die et in reliquum quicquid facere voluerint liberam et firmissimam in omnibus habeant licentiam et potestatem faciendi. Econtra dedit congregatio prelibati patris domni Martini, per consensum domni abbatis, partibus sancti Juliani martyris suaeque congregationis Brivatensis scilicet monasterii, villas quasdam, sitas in pago Arvernensi et Tolorninse, quarum una, Marciacus scilicet, sita habetur in pago Arvernensi, cum reliquis villis adjacentibus, altera vero, Dronius videlicet, in pago Tolerninse, cum aliis ad se pertinentibus rebus, quas per praecepta regalia sibi delegatas habent, ad eorum quidem calciamenta, cum terris cultis et incultis, inquisitis et ad inquirendum omissis, aedificiis, mancipiis, vineis, silvis, pratis, pascuis, aquis aquarumve decursibus, mobilibus et immobilibus, cum omnibus appendiciis suisque adjacentiis vel omni supraposito, totum et ad integrum, de jure suo in jus et potestatem praedictae congregationis et ejusdem abbatis domni Frotharii tradidit, ut libero dominio omnes res praedicatas res perpetuo possideant. Haec quidem sibi invicem pars parti tradiderunt, ut faciat quaeque congregatio ex rebus quas accepit, quicquid voluerit. Pars Sancti Martini eas res quas charta commutationis sibi vindicavit possideat proprias eidemque ecclesiae ex multo tempore mancipatas, pars Sancti Juliani rursus res quas spontanea voluntate commutavit perpetuo possideat lege eadem qua alias res sibi subditas regit et possidet. Si quis vero, quod nullatenus fieri credimus, fuerimus nos ipsi aut aliqua intromissa aliunde persona, quae contra has conventiones uno tenore conscriptas venire aut aliquam calumniam ingenerare praesumpserit, econtra cui litem intulerit solidos auri ad purum excocti D coactus exsolvat et sua repetitio nullum effectum habeat. Sed hae commutationes firmae et stabiles omni tempore permaneant.
(Chrismon) Frotarius, quamvis indignus episcopus atque abbas Sancti Juliani martyris, hanc commutationem a me factam recognovi et subscripsi.
Castelanus praepositus subscripsi.
Heldefridus decanus subscripsi.
Garardus archiclavis subscripsi.
Data in mense maio, anno VI in Italia et in Francia IIII et in Gallia II regnante serenissimo et pissismo imperatore Karolo.
Ego Gausbertus presbyter scripsi et subscripsi.