REGEST MABILLE: Décret de Robert, archevêque de Tours, rendu en synode, par lequel il est ordonné que le différend existant entre Ramon (alias Rainon), curé de Saint-Saturnin de Pussigny, et Geoffroy, curé de Saint-Vincent d’Antogny, au sujet des dîmes de Faia et de villa Fraxino, sera jugé par l’épreuve du feu, ce qui fut exécuté à Nouastre et le jugement prononcé en faveur de Ramon.
REGEST EDITION: Concilium Turonense. Anno DCCCCXXV. celebratum.
Datierung: MABILLE: 925 05; EDITION: 925
EDITION: Durand, Ursin und Edmond Martène (Hgg.): Thesaurus Novus Anecdotorum Tomus Quartus, Paris 1717 (Thesaurus Novus Anecdotorum 4), Sp. 71-74.
Notitia manifestatae rei, qualiter veniens quidam presbyter nomine Rainaldus ad invocationem filii sui Ramonis ante Domnum Robertum Turonicae sedis venerabilem archiepiscopum, in conventu synodico anno Incarnationis Dominicae DCCCCXXV. episcopatus ejusdem Domni episcopi anno IX. proclamans quasdam decimas in pago Turonico, id est de Faia ex omnibus Alodis sive de villa Fraxino ecclesiae in honorem egregii martyris Christi B. Saturnini in villa Pasiniaco fundatae, et filii sui jam dicti, qui inibi visus est decimas deservire, quas quidam sacerdos, Gaufridus nomine, ab ipsa ecclesia alienare, et injuste possidere volebat. Cujus rei veritatem praefatus praesul sollicite perquirens, interrogavit ipsum Gaufridum qualiter ipsam decimam possidebat. At ille professus est, quod ex ipsa decima semper medietas ad ecclesiam S. Vincentii in villa Antoniaco, quam ipse tenebat, suis et praedecessorum suorum temporibus, absque alicujus hominis contrarietate deveniret; alteraque medietas ad praefatum S. Saturnini locum remearet, et si aliud quispiam diceret; ad omnem legem examinandam quamcumque ei synodus indicasset, semper garnitus adesset. Exinde interrogante Domno archiepiscopo antenatos sacerdotes, qui ipsam altercationem definire possent, ut quod melius scirent inter eos synodale judicium decernerent. Postea inventum et dijudicatum est ab omnibus, ut praescriptus Gaufridus presbyter unum hominem ad Dei judicium mitteret, et siquidem illaesus evaderet, medietatem ipsarum decimarum suae ecclesiae et sibi perpetuo vindicaret. Sin autem, omnis decima ad ecclesiam S. Saturnini in villa Pasiniaco cum integritate rediret; quod judicium saepedictus presbyter Gaufridus, sicuti ei judicatum fuit, vidente Rainerio archidiacono, Badilone venerabili sanctae matris ecclesiae diacono atque aedituo, Otberto abbate sive diacono, Halmaro presbytero, Anskerio presbytero, aliisque hominibus, in Nogastro castro fecit, suusque homo exustus apparuit; et sic ex ipsis decimis sese recredidit, atque per festucam guerpivit. Hac autem querela ita definita, necesse extitit eidem Rainaldo et filio suo Rainoni in synodali conventu talem notitiam accipere, quo neque suo, neque successorum suorum tempore aliqua contentio pro ipsis decimis posset oriri; sed omnibus diebus, prout inibi definitum fuit, stabilitum, et firmum permaneret, sicuti fecit, prout praesens habet scriptura pontificali auctoritate jam fati Domni Roberti venerabilis archiepiscopi roborata, suorumque fidelium ac ceterorum bonorum hominum manibus consignata. Data mense Maio in synodo Turonensi anno III. regnante Rodulfo rege.