REGEST MABILLE: Thétolon, doyen de Saint-Martin, et le chapitre du dit lieu donnent en précaire à Robert, lévite et trésorier de Saint-Martin, la villa de Martigny avec toutes ses dépendances à l’exception des biens situés prés de Chatigny, et qui appartenaient à la dotation des écoles, à la charge de payer au chapitre 400 sols de cens à la Saint-Martin d’hiver.
REGEST EDITION: Donation en précaire de la villa de Martigni, faite par le chapitre à Robert, trésorier de Saint-Martin.
Datierung: MABILLE: 915 11 03; EDITION: 915 11 03
EDITION: Mabille, Emille: Les Invasions normandes dans la Loire et les pérégrinations du corps de saint Martin. Pièces justificatives. In: Bibliothèque de l’école des chartes, Tome 30, 1869. S. 456-458, Nr 14.
A Ω. Cum ex rebus ecclesiasticis alicui hominum commoda atque opportuna beneficia pro temporali subsidio conferuntur, consequens et condignum est ut ex rebus propriis ea rependere quisque studeat, quae proficua fiant, eidem ecclesiae suisque ministris accepta atque grata, et ita scripturarum serie alligentur, quatenus in reliquum statutis temporibus rata et inviolata permanere valeant. Nos igitur in dei nomine Tetolo, gregis incliti confessoris Christi beati Martini sacerdos atque decanus, caeterique nostri confratres manifestum fore cupimus successoribus nostris et omnibus aliis nostris confratribus, quoniam deprecatus est nos egregius et venerabilis confrater noster Robertus nomine, levita et archiclavis, ut villam nostram Martiniacum nomine, cum omnibus rebus ad ipsam pertinentibus, monasterio Sancti Martini atque Rudi ipsius Castello vicinam, ex altera parte Ligeris fluminis sitam, quam tenuerat in beneficium olim Gauzbertus, vasallus dominicus, quanquam nos ex nostris specialibus rebus, quas eidem Rotberto confratri nostro sub censuum institutione contuleramus ex Carnisiaco videlicet atque Vico villis nostris, per deprecationem praescripti Gauzberti, vasalli dominici, atque per concensum ejusdem Rotberti, confratris nostri, cum glorioso seniore nostro domno Rotberto abbate, ad eus dominium concambiaveramus sibi in vita sua, et post obitum suum uni tantum alumno suo confratri nostro Guncelmo subdiacono, sub annuali censuum institutione concederemus; sed ne talis petitio fratribus videretur onerosa, jure et more precario, alodos suos duos speciales et proprios, unum videlicet ex ipsis, Villenam nomine, quem suis datis pretiis comparaverat cum vineis aripennos VII, jam ex parte retractis, terris cultis et incultis, sitis in pago Turonico, super fluvium Angeris, inter tres villas, scilicet inter Mairacum et Montem et Condatum atque ipsam Villenam, per estimum ad sacionem modiorum cum pratis inter duo loca aripennes XII. pascuis, aquis aquarumque decursibus, cum hera ad molendinum faciendum, in ipso fluvio Angeris, silvis ad saginandos porcos, si pastio fuerit, cum mancipiis utriusque sexus, Letgerio scilicet, cum duobus filiis, quorum unus jam habet uxorem et Willerium, quem solum a die presente fratribus serviturum devovit, cum Letberto etiam, cum uxore ejus, ac duobus filiis, atque duabus filiabus, et cum omnibus aliis rebus ad eumdem alodum pertinentibus; et in alio loco, in ipso pago, in vicaria Rodominse, in villa Mariaco, alodum alterum, qui fuit olim Tesmundi, quem quidem legaliter commutandum sibi in proprium adquisierat, cum omnibus rebus ad ipsum pertinentibus, tam pro remedio animae suae suorumque parentum, quam et in recompensatione hujus suae petitionis, deo et Sancto Martino ad speciales usus fratrum sub omni integritate studuit delegare; cujus devotissimam elemosinam intuentes petitionem ejus, quia non indebita erat, benigne recepimus. Concessimus igitur eidem domno Rotberto aedituo, per consensum et exhortationem praefati senioris nostri, domni Rotberti gloriosi abbatis, praenominatam villam nostram Martiniacum, cum omnibus rebus ad ipsum pertinentibus, in quibuscumque adjaceant et habeantur terminis, sive locis, et hominibus utriusque sexus, ad ipsam pertinentibus; excepto tantummodo Sancti Martini scolae beneficio, scilicet inter Catiniacum et Puteum mundatum, quartas X, et insuper cum ipsa villa Martiniaco, quam petierat ipsos duos quos in recompensatione hujus beneficii more precario sancto Martino et nobis integerrime contulerat alodos, similiter cum mancipiis utriusque sexus ad ipsos pertinentibus, excepto tantummodo Guitterio servo, quem propria ipsius voluntate retinemus; et siquidem rationis ordine et tenore, ut studeat reddere nobis vel successoribus nostris, ex praescriptis simul rebus in generales usus fratrum, ad missam Sancti Martini hiemalem, censum centum solidos et sic utrasque res omnes quandiu advixerit, quieto jure teneat et possideat, habens licentiam ibi plantandi, aedificandi, emeliorandi et per consensum nostrum, quicquid voluerit faciendi, et post obitum ejus Willelmus tantum Sancti Martini canonicus, jam subdiaconis, ejusque consobrinus, cum omni emelioratione, sub praefixa censuum institutione similiter quandiu advixerit ipsas omnes teneat et possideat. Si autem ex instituto censu, ipse Robertus aut consobrinus ejus Guncelmus, negligentes extiterint, id ipsum eis quantocius emendare liceat et quod tenuerint non amittant; sed post obitum ipsorum sine ullius expectate consignatione, in dominium revertentur fratrum. Ut autem hujus praecariae auctoritas per consensum senioris nostri domni Kotberti abbatis a nobis certius facta esse credatur, et statutis temporibus et successoribus nostris inviolabilis conservetur, manibus propriis eam subscripsimus firmamque in reliquum manere decrevimus.
Theotolo Levita et decanus subscripsit.
Data est autem hujus precariae auctoritas, III nonas novembris, in civitate Turonis, in pleno fratrum capitulo, anno XVIII regnante domno Karolo rege.
Ego Archanaldus levita, et scolae primus, a prescriptis fratribus et multis aliis rogatus scripsi et subscripsi.