REGEST MABILLE: Charles-le-Simple, à la demande de l’abbé Robert, exempte de toute juridiction autre que celle de l’abbé ou des religieux, des habitants du nouveau château ou enceinte, que le dit Robert, en vertu d’une permission spéciale, avait construit autour de l’église et du cloître de Saint-Martin.
REGEST EDITION: Charles III, à la requête du comte et marquis Robert, étend l’immunité concédée à l’abbaye de Saint-Martin de Tours à la nouvelle enceinte autour du monastère.
Datierung: MABILLE: 918 12 01; EDITION: 918 12 01
EDITION: Lauer, Philippe (Hg.): Recueil des actes de Charles III le Simple roi de France (893-923), 2. Aufl., Paris 1949 (Chartes et diplômes relatifs à l’histoire de France 10), S. 227-229, Nr. 99.
In nomine sancte et individue Trinitatus. Karolus divina propitiante clemencia rex Francorum. Cum locis divino cultui mancipatis ob divine servitutis amorem opem congruam ferimus ad sublevandas Dei servorum commoditates atque utilitates et regum morem decenter implemus et id nobis profuturum ad eterne remunerationis premia capessenda veraciter credimus. Idcirco notum esse volumus omnibus sancte Dei ecclesie nostrisque fidelibus, tam presentibus quam et futuris, quia adiens nostri culminis serenitatem comes et markyo noster venerabilis Rotbertus studuit humiliter expetere quatinus de castro quod est circa monasterium sancti Martini, egregii confessoris Xpisti, de quo ipse abba habetur, preceptum nostre auctoritatis fieri esset placitum, ob immunitatis gratiam, scilicet ne quispiam ibi preter abbatem sive canonicos ejusdem cenobii unquam ab hac die deinceps aliquam de quacumque re haberet exercendi potestatem et hujusmodi petitionem firmam esse in perpetuum sanciremus. Nos autem, primo ob salutem nostram, deinde ob petitionem seu suggestionem ac devotam erga nos fidelitatem prefati comitis, concedimus ac concedendo confirmamus et super hanc cessionem nostre auctoritatis preceptum fieri mandamus, per quod precipientes decernimus ut ab hinc in futurum nullus quilibet, nec comes, neque vicecomes qui dicitur, neque judiciaria seu quelibet humana potestas habeat potestatem, vel inferat aliquod prejudicium de castro sito in giro cenobii sancti Martini, in comitatu veru Turonum superque fluenta Ligeris, nisi tantummodo abbas ejus loci necnon et canonici, sicut postulatum est a comite et abbate Rotberto. Et ut hec nostre cessionis seu confirmationis auctoritas firma et inconvulsa sit semper, quatinus pro nobis sanctum Martinum cum suis fidelibus jugiter intercedere sentiamus, manu propria eam subter firmavimus et anuli nostri impressione expresse jussimus insigniri.
Signum Karoli regis gloriosissimi.
Goslinus notarius ad vicem Hervei archipresulis summique cancellarii recognovit.
Datum kal. decembris, indictione VII., anno XXVI. Regnante Karolo rege gloriosissimo, redintegrante XXI., largiore vero hereditate indepta VI. Actum castro Lauduno. In Dei nomine feliciter. Amen.