Datierung: 814 11 30
Ausstellungsort: Uuirtingon
Ego in dei nomine Riharius comis, quod habui in loco nuncupante Sueinpah, non habui in hereditatem meam sed in precaria sancti Michahelis, et Hiltipaldus archiepiscopus et sacri palatii capellanus nec non et congregacio sancti Michahelis de Maninseo legitime condonavi, et post[ea] mea fuit peticio et vestre vel fratrum vestrorum pia decreverit voluntas, ut ipsas res, quas ego habui in precaria vestra, simul et alias res monasterii vestri, sitas in pago Trungauue in loco nuncupante Sueinpah, per prestitum beneficium vestrum mihi relaxavi deberitis, sicuti et fecistis, ea videlicet racione, ut annis singulis in festivitate sancti Michahelis partibus monasterii vestri in censo dare debeam unam carradem de vino aut unam carradem de melle, et ipsas res, dum advixero, per vestrum beneficium tenere et visitare debeam, et non habeam pontificium ipsas res aliubi vendere nec condonare nec alienare nec in ullo naufragio ponere, sed post meum de hac luce discessum cum omni re inmeliorata superposita in vestra vestrorumque successorumque absque ullus iudicis et signacione aut alicuius contradictione revertantur dominatui. Si quis vero, quod futurum esse non credo, si ego ipse aut ullus de heredibus seu proheredibus meis, quislibet ulla vel extranea persona, qui contra hanc precariam venire conaverit aut eam infrangere temptaverit, inferat partibus vestris duplum tantum, quantum haec precaria convenit, et insuper una cum distringente socio fisco auri libras tantas, argento pondua tanta coactus exsolvat, et quod repetit, nullum umquam tempore evindicare non valeat, sed presens precaria firma permaneat cum stipulacione subnixa. Actum ibi, datum illo anno I imperii domni nostri Hluduuuici augusti, I regni eius in Francia et I in Italia, indictione VII. In dei nomine feliciter. Actum est ad Uuirtingon, in pridie kl. dec., in natale sancti Andraee. Sunt testes multi.