Guibert de Saint-Mèdard, qui avait revendiqué le quart de l’obédience de Lancé, l’abandonne ensuite, avec l’approbation de sa fille, aux moines qui donnent pour cela, à lui cent sols vendômois, et à sa fille trente sols angevins.
Datierung: 1118
Notum sit fidelibus, maximeque nostris in hoc Maiori Monasterio monachis et successoribus, militem quendam nomine Guibertum, qui dicebatur de Sancto Medardo, calumpniatum nobis fuisse, sepiusque adversus nos reclamasse quarteriam, hoc est quartam cuiusdam obediencie nostre partem, que dicitur Lanciacum, in pago site vindocinensi, dicens eam cuidam uxori sue quam habuerat, iure hereditario pertinuisse ... calumpniam omnem quam inde faciebat in perpetuum dimisit et concessit. Et hoc filie sue quam de ipsa coniuge sua solam habebat, nomine Petronillae concedere fecit, et viro eius nomine Burgundioni; habuitque Guibertus C. solidos vindocinensis monete, et filia cum viro suo XL andegavensium solidos. Fecit autem hanc concessionem Guibertus pro sua et uxoris sue Haduise anima, matris eiusdem filiae Petronille ..... istam crucem manu propria fecerunt, multis videntibus.
| S. Guiberti + | Presentes affuerunt: |
| S. Burgondioni + | Paganus frater eiusdem Burgondionis |
| S. Petronille + | de Boloria – Hugo Chavuellus frater eorum – Drogo de Villena. |
Actum anno ab incarnatione Domini MCXVIII, supradicta Petronilla Guiberti filia adhuc iuvencula et noviter nupta, nondum prolis alicuius susceptione, etate prohibente, fecunda.