None
Datierung: 1032-1060
Nosse debebitis, si qui eritis posteri nostri Majoris scilicet hujus habitatores Monasterii Sancti Martini, Gaufredum militem quendam Blesiacensem, cognomento Corvesinu, duos servos Sancti Martini, Ulgerium scilicet et fratrem ejus Otbertum diu calumniasse. Post diuturnas autem calumnias, ita inter nos convenit, ut ille Vque solidos acciperet, servi vero supradicti in Sancti Martini dominium devenirent, quod et filii ejus concesserunt Gaufredus, Herveus et Teduinus. Verum, ne amplius in hujusmodi calumniam prorumpere potuisset, hec eorum nomina qui huic conventioni interfuerunt, subnotavimus: Hugonem filium Guarnerii, Sentarium Loripedem, Hilgodum Securim, Odonem Landanum, Gausbertum majorem.