Confirmation par Guillaume, archevêque de Sens, à Rouland, prieur de Saint-Léonard de Bellême, du droit de présentation à la cure de Boissi-Maugis, en faveur de leur prieuré. [Prieuré de Boissi-Maugis]
Datierung: 1169
Ausstellungsort: Chartres
In nomine Sanctae et individuae Trinitatis. Willermus Dei gratia Senonensis archiepiscopus et Apostolice Sedis legatus, dilectis filiis Roulando priori Sancti Leonardi de Belismo et fratribus ibidem commorantibus in perpetuum. Dignitatis nobis ex divina dispensatione commisse officium sollicitudinem nostram hortatur et monet, ut non solum jura sua cuilibet illibata conservare, sed et dissentionum et litigiorum materiam de medio studeamus amputare. Ista itaque ratione inducti, vobis, in Christo filii dilecti, et per vos, ecclesie vestre, presentationem sacerdotis in ecclesia de Busseto ad ecclesiam vestram, sicut ex legitimis documentis plenius agnovimus, de jure spectantem, confirmamus et ipsam confirmationem perpetuo valituram sigilli nostri auctoritate roboramus. Statuentes ut nulli omnino liceat contra hanc nostre confirmationis paginam venire, aut quod a nobis rationabiliter permittitur temerario ausu rescindere. Actum Carnoti in palatio pontificali anno ab incarnacione Domini Mo Co LXo IXo. Huic autem nostre confirmacioni interfuerunt testes quorum nomina annotare duximus : Ernaldus archidiaconus Drocensis, Cantor et Abbas Fulcaudus Sancti Johannis de Valeia, Petrus canonicus Carnotensis, Stephanus abbas Sancti Petri Carnotensis, Petrus decanus de Temerais et alii quam plures.