Charte de Guillaume, comte du Perche, évêque de Châlons, par laquelle il donne à Agnès la Brète, en récompense de ses services, les prés qu’il a entre Bellême et Saint-Martin, sous la redevance de quelques éperons dorés à Pâques pour tous services et devoirs. [Union de Saint-Léonard et de Saint-Martin]
Universis Christi fidelibus presentem paginam inspecturis Willmus Dei gratia Kathalaunensis episcopus et comes Pertici salutem in Domino. Ad universitatis vestre noticiam volumus pervenire quod nos dilecte nostre Agneti la Breite donavimus et concessimus pro suo servicio omnia prata nostra, que inter S. Martinum de Veteri Belismo et villam nostram de Belismo habebamus, eidem Agneti et Raginaldo et Wilelmo filiis ejus et eorum heredibus jure hereditario perpetuo possidenda, nobis et nostris successoribus vel ballivo nostre terre, si in terra nostra non fuerimus, quedam calcaria deaurata in Pascha pro omnibus serviciis et exactionibus et relevationibus et rebus omnibus annuatim exinde persolvendo. Et ne dicta Agnes et dicti ejus filii vel eorum heredes super dictis pratis molestari valeant in futurum eidem Agneti presentem dedimus paginam predicte donationis nostre testimonialem, sigilli nostri auctoritate roboratam. Actum anno ab incarnatione Domini Mo CCo XXo primo, mense Augusti.