Universis Christi fidelibus presentes literas inspecturis, Guido, dominus de Lavalle, miles, salutem in Domino. Notum fieri curavimus nos, pro salute animarum nostrarum et paremptorum nostrorum, donationem quam Vivianus de Cocé, miles, dederat et concesserat Deo et monachis Maioris monasterii in burgo de Origniaco,racione cappelle beati Stephani ibi site, ratificasse et approbasse et donasse in quantum nobis pertinet, et ipsos monachos et homines suos de burgo suo a nobis penitus exemptasse ne, quod absit, monachi rectum facere diffugiant; volumusque et precipimus quod dicti monachi habeant mensuras bladi et vini pro se et pro hominibus suis de dicto burgo et dictas mensuras de seipsis in dicto burgo suo pacifice et quiete teneant et possideant in futurum. Et ne istud factum ab humana memoria possit deleri de cetero, nos ad petitionem predicti Viviani de Coceio, militis, et divine pietatis intuitu et ad supplicationem monachorum dictorum, presentes literas sigilli mei munimine roboravi. Datum apud Lavallem anno incarnationis Domini nostri millesimo quinquagesimo primo. Testes qui presentes fuerunt ad hec: Hubertus de Pratellis, miles; Raherius de Castellonio, senescalus de Lavalle; Radulfus, filius Alberici, castellani de Lavalle Guidonis; Johannes de Fleis; Petrus, Adversarius; Hamelinus Francus, miles; Rainaldus de Sancto Gallo et Juhellus, filius predicti Viviani de Coceio primogenitus, cum pluribus aliis.